Innarluutilinnut ileqqoreqqusat

§ 2 Innarluutilinnut Siunnersuisooqatigiit siunertaraat innarluutillit pillugit politikkimi apeqqutinut kommunalbestyrelsimut siunnersortaassalluni kiisalu najukkami politikkikkut innarluutillit pillugit apeqqutini innuttaasut aamma kommunalbestyrelsip akornanni isummersuutit ingerlateqqissallugit. Aammattaaq Innarluutilinnut Siunnersuisooqatigiit sulinerminni siunertaraat:

• Kommunip innarluutillit pillugit politikkia ineriartortissallugu aamma nukittorsassallugu
• Kommunimi Innuttaasut innarluutilinnut pissutsit pillugit paasisitsiniaanerit siuarsassallugit
• Innuttaasut innarluutillit kissaataat aamma pisariaqartitaat kommunalbestyrelsimut saqqummiutissallugit.

§ 3 Suliniutit inunnut innarluutilinnut tunngassuteqartut pillugit Innarluutillit Siunnersuisooqatigiivi tusarneqartassapput

Imm. 2. Apeqqutit suliassanut nalinginnaanerusunut tunngassuteqartut oqallisigineqarnissaat Innarluutilinnut Siunnersuisooqatigiinnit isumagineqarsinnaapput kiisalu politikkikkut siunnersuuteqarnerit aamma allaffissornikkut suliniuteqarnerit.

Imm. 3. Innarluutillit Siunnersuisooqatigiivi innarluutillit siunnersuisooqatigiivinut allanut, peqatigiiffinnut assigisaannullu attaveqarsinnaapput.

Imm. 4. Kommunimi innarluutillit pillugit kommunimi suliniutini taakkununnga tunngassuteqartuni ingerlaavartumik ilisimatinneqartarnissaat Innarluutilinnut Siunnersuisooqatigiit peqataaffigissavaat.

Imm. 5. Siunnersuisooqatigiit sulinerat pillugu ukiumoortumik Innarluutilinnut Siunnersuisooqatigiit nalunaarusiamik aamma siunnersuutinik kommunalbestyrelsimut/ataatsimiititaliamut ataavartumut tunniussisassaaq.

Imm. 6. Innarluutilinnut Siunnersuisooqatigiit minnerpaamik ukiumut sisamariarlutik ataatsimiittassapput imaluunnit oqarasuaatikkut/video-kkut ataatsimiittassallutik.

Imm. 7. Inunnut ataasiakkaanut tunngassuteqartut pillugit apeqqutit Innarluutillit siunnersuisooqatigiivinit suliarineqarsinnaanngillat, matumani sulianik qinnuteqaatinut tunngasuteqartut, inunnut tunngasunut suliassat imaluunniit naammagittaalliuutit tigussaasut pillugit apeqqutit ilanngullugit.

Imm. 8. Innarluutilinnut Siunnersuisooqatigiit aalajangiisinnaassuseqanngillat.

§ 4 Innarluutilinnut siunnersuisooqatigiit sisamaniit arfineq pingasunut ilaasortaqarsinnaapput:

• ilaasortat marlunniit sisamanut Kommune Qeqertalimmi najugaqartut innarluutillit pillugit suliniaqatigiiffinniit toqqarneqassapput
• kommunalbestyrelsimi ilaasortaq ataaseq kommunalbestyrelsimit toqqarneqassaaq
• ilaasortaq ataaseq imaluunnit pingasut kommunip ingerlatsiviiniit toqqarneqassapput

Imm. 2. ilaasortat amerlassusaat innarluutillit pillugit suliniaqatigiiffiinit aamma kommunalbestyrelsimit sinniisuuffigineqartut amerlaqatigiissapput. Kommunalbestyrelsip kommunimit sinniisorineqartut amerlassusissaasa naligiinnissaat kommunalbestyrelsimit isumagineqassaaq.

Imm. 3. Innarluutilinnut Siunnersuisooqatigiit katitigaanissat ima anguniarneqassaaq taamaalilluni ilaasortat kommunimi innarluutilinnit assigiinngitsuneersunit aamma kommunimi immikkoortortaqarfinni assigiinngitsuniit sinnissuuffigineqassallutik, matumani meeqqat aamma inersimasut innarluutillit ilanngullugit.

Imm. 4. Innarluutillit Siunnersuisooqatigiivinut sinniisussat arfineq pingasut toqqarneqassapput. Innarluutilinnut suliniaqatigiiffinniit sinniissussat marlunniit sisamanut, aamma kommunalbestyrelsi taamatut iliussaaq. Innarluutilinnut sulinniaqatigiiffiit sinniisussanik naammattunik toqqaasinnaanngikkunik, sinniisussaq ilaasortamut allamut aamma inuttut sinniisuusinnaavoq.

Imm. 5. Innarluutilinnut Siunnersuisooqatigiinni ilaasortamut sinniisussaq ilaasortaq peqataasinnaanngikkaangat ilaasortanngortassaaq. Innarluutilinnut Siunnersuisooqatigiinnut ilaasortaq siunnersuisooqatigiit atuuffia suli naanngitsoq ilaasortaajunnaassappat, sinniisussaq Innarluutilinnut Siunnersuisooqatigiinnut ilaasortanngussaaq, kiisalu sinniisussamik nutaamik toqqaasoqarluni.

Imm. 6. Innarluutilinnut Siunnersuisooqatigiinni ilaasortaq imaluunniit sinniisussaq innarluutillit siunnersuisooqatigiivisa atuuffiat suli naanngitsoq kommunimiit nuuppat pineqartoq innarluutilinnut siunnersuisooqatigiinnit ilaasortaajunnaassaaq.

Imm. 7. Innarluutillit Siunnersuisooqatigiivisa atuuffiat kommunimi qinersiviup atuuffia malippaa, taamaattorli ilaasortat atuutissapput ilaasortat nutaat toqqarneqarnissaata tungaanut.

§ 5 Kommunimut qinersisoqareerpat Kommunalbestyrelsi ataatsimiinnissamut siullermut aggersaassaaq.

Imm. 2. Innarluutilinnut siunnersuisooqatigiit siulittaasumik aamma siulittaasup tullianik toqqaallutik namminneerlutik inissitsitissapput.

Imm. 2. Kommunalbestyrelsi ataatsimiiffissanik, attaveqaatitigut atortunik, oqalutseqarnermik aamma nutserisoqarnermik isumaginnittuussaaq kiisalu allatseqarneq aamma oqaluuserisassanik, ilanngussanik aamma imaqarnilianik Innarluutilinnut siunnersuisooqatigiit ataatsimiinneranni atugassanik isumaginnillunilu nassiussuissaaq.

§ 7 Siunnersuisooqatigiit ataatsimiinnerannit imaqarniliat Ataatsimiititaliaq INUIT-nut ilisimatitsissutitut nassiunneqassapput.

Imm. 2. Ingerlatsiviup INUIT-ip isumagisavaa, Innarluutilinnut siunnersuisooqatigiit sulinerat pillugu ingerlatsivinnut susassaqartut malitseqartitsinertut malinnaatittassavaat.

Imm. 2. Siunnersuisooqatigiinni ilaasortaajunnaarnermi nipangiussisussaatitaaneq atorunnaarneq ajorpoq.

§ 10 Innarluutillit pillugit Siunnersuisooqatigiinnut ileqqoreqqusat atuutilersinneqassapput Kommunalbestyrelsimit akuersissutigineqareerpata.

Imm. 2. Ilutigitillugu Kommune Qeqertalimmi Innarluutillit pillugit Siunnersuisooqatigiit pillugit ileqqoreqqusaq 18. september 2019-meersoq atorunnaarpoq

akuerineqarpoq: kommunalbestyrelsimit Ileqqoreqqusaq

Kommune Qeqertalik, ulloq 16-02-2023