Inuussutissarsiutigalugu qassusersorluni qaleralinnik aalisarneq pillugu Kommune Qeqertaliup ileqqoreqqusaa nr. 3, 21. juli 2022-mersooq.
Aalisarneq pillugu Inatsisartut inatsisaat nr. 18, 31. oktober 1996-imeersumi § 23, imm. 2 aamma § 33, imm. 3, kiisalu Sinerissap qanittuani qaleralinniarneq pillugu Namminersorlutik Oqartussat nalunaarutaat nr. 46, 14. september 2020-imeersumi § 8, imm. 2 malillugit aalajangersarneqarput:
Atuuffia
§ 1. Aalisartoqarfimmut tunngavigisatut sinerissap titarnerullu aalisarnikkut oqartussaaffiup tunngaviusumik killingata 3 sømilinik avataaniittup akornanni inuussutissarsiutigalugu qaleralinniarnermut Kommune Qeqertalimmi avannamullu 68° 30’N tikillugu, ileqqoreqqusaq atuuppoq, ilanngussaq 1 takujuk.
§ 2. Qaammatini januaarimi,februaarimi, martsimi, apriilimi, maajimi, novembarimi aamma decembarimi inuussutissarsiutigisatut qassusersorluni qaleralinniartoqarsinnaavoq.
§ 3. Ukiuunerani sikoqarnerata qassusersorluni aalisarneq ajornartorsiortissappagu najugarisami peqatigiiffinni tusarniaareernermigut qassusersorluni aalisarneq kommunalbestyrelsip matusiffigisinnaavaa.
§ 4. §§ 2 aamma 3-mik unioqqutitsinerit akiligassinneqarnermik arsaarinnissuteqarnermillu malitseqarsinnaapput.
Imm. 2. Imm. 1 malillugu akiligassiissutit pinerluttulerinermut inatsimmi kapitali 5 malillugu inatsisitigut inuttut naatsorsuussanut akileeqqusaasinnaapput.
§ 5. Ileqqoreqqusaq nalunaarutigineqarnerata tassanngaanniillu ullup tulliani atuutilissooq.
Imm. 2. Taamaalinerani Qaasuitsup Kommunianut ileqqoreqqusaq 6. september 2011-meersoq Kommune Qeqertalimmi, avannamut 68° 30’N tikillugu, atorunnaarsinneqarpoq.
Taamatut ulloq 19. maj 2022-mi Kommune Qeqertalimmi Kommunalbestyrelsimit
akuersissutigineqarpoq.
______________________________
Ane Hansen
Borgmester
Tamatumuuna inuussutissarsiutigalugu qassuserluni qaleralinniarneq pillugu Kommune Qeqertalimmi ileqqoreqqusaq akuerineqarpoq.
Namminersorlutik Oqartussat ulloq 21. juli 2022
______________________________
Karl Tobiassen
Aalisarnermut Piniarnermullu Naalakkersuisoq
Inuussutissarsiutigalugu qassusersorluni qaleralinnik aalisarneq pillugu Kommune Qeqertaliup ileqqoreqqusaa