§ 1. Siunertaq
• Kommune Qeqertalimmi najukkami peqatigiiffiit, suleqatigiit, komite, inuinnaat, timersornikkut kulturikkullu aaqqissuussat silamilu ingerlatsinerit tamaasa, angalanermut aningaasartuutinutaamma ininik attartornermut tapiissuteqarfiginerisigut tapersersornissaat.
• Kommune Qeqertalimmi najukkami kulturikkut aaqqissuussat tapersersussallugit.
§ 2. lnatsisit tunngavigineqartut
• Kulturikkut ingerlatsineq sunngiffimmilu sammisaqartitsineq pillugit lnatsisartut inatsisaat nr. 5, 6.juni 2016-imeersoq
• Timersorneq timigissarnerlu pillugit lnatsisartut inatsisaat nr. 15, 6. juni 2016-imeersoq
• Meeqqat inuusuttullu suliniaqatigiivinut init silamilu ingerlatsiviit pillugit NamminersorlutikOqartussat nalunaarutaat nr. 20, 27. September 1988-imeersoq
§ 3. Peqatigiiffimmut, Suleqatigiinnut (komite) lnuillu ataasiakkaat qinnuteqarnerini piumasaqaatit
Imm. 1. Piorsarsimassutsikkut ingerlatsineq sunngiffimmilu sammisassaqartitsineq pillugit lnatsisartut inatsisaat nr. 5, 6. Juni 2016-meersumi allassimasut siunertat naapertorlugit Peqatigiiffiup anguniagassaasut allassimasut naammassissavai kiisalu Meeqqat inuusuttullu suliniaqatigiivinut init silamiluingerlatsiviit pillugit Namminersorlutik Oqartussat nalunaarutaat nr. 20, 27. September 1988-imeersoq naapertorlugu anguniagassaasut allassimasut peqatigiiffiup naammassisimassavai.
Imm. 2. Pilersitsinertalimmik ataatsimeersuartitsisoqareersimassaaq.
Imm. 3. Peqatigiiffiup Suleqatigiillu - Komite ileqqoreqqusaani aalajangersakkat naapertorlugit ataatsimeersuartoqassaaq.
Imm. 4. lleqqoreqqusaq naapertorlugu siulersuisuni ilaasortassanik qinersinerit ingerlanneqassapput.
Imm. 5. Peqatigiiffik, suleqatigiit - Komite qinnuteqartorlu kinaluunniit Kommune Qeqertalimminajugaqassaaq.
Imm. 6. Ukiut tamaasa 30. April nallertinnagu naatsorsuutit kommunimut tunniunneqartassapputnajukkami sunngiffimmi pisortamut imaluunniit sunngiffimmi aqutsisumut.
Imm. 7. llaasortat amerlassusaat, ilaasortaanermut akiliutissaq, pigisat aningaasallu uninngasuutit naatsorsuutini allassimassapput. Uani Suleqatigiit - komite inuinnaallu qinnuteqarsimasut pineqanngillat.
Imm. 8. Ataatsimeersuarnermi kukkunersiuisussatut toqqarneqartumit naatsorsuutitkukkunersiorneqassapput.
Imm. 9. Ukiup tullissaanut sammisassanut pilersaarut najukkami sunngiffimmi pisortamut /sunngiffimmi aqutsisumut kingusinnerpaamik sapinngisamik 31.1. nassiunneqarsimassaaq.
Imm. 10. Angalanernut tapiissuteqartarneq, namminerisamik umiatsiamik ingerlanneqarpata, umiatsiaq pisariaqartitanik isumannaallisaatinik peqarpat aatsaat angalanernut tapiissutit tunniunneqassapput, soorlu makkusuunik, VHF radio, GPS, annanniutit atisartakkat ilaasunut tamanut aamma umiatsiaq/pullattagaq aquuteralalik.
§ 4. Taperneqarnissamut qinnuteqaatit piumasaqaatitai
Qinnuteqarnermi "Kommune Qeqertalimmit tapiiffigineqarnissamut qinnuteqaat" immersorneqassaaq.
Imm. 1. Qinnuteqarnermi siunertaq qinnuteqaatigineqartoq pillugu paasissutissanik aamma aningaasat tapiissutigineqartussatut qinnutigineqartut amerlassusiinik imaqartinneqassaaq.
Imm. 2. Peqataasut aqqi ulloq inunngorfik ilanngullugit qinnuteqaammut ilanngussatut ilaatinneqassapput. Erinarsornermik nipilersornermillu suliaqartunut una piumasaqaat atuutinngilaq.
Imm. 3. Peqatigiiffiit peqatigiiffinnik allanik suleqateqarlutik angalatitsinissatik eqaatsumik pilersaarusiornissaannut piviusunngortissinnaanissaannullu tapiisarnermut ileqqoreqqusamitperiarfissinneqarput.
Imm. 4. Suliamik suliarinninnissaq eqqarsaatigalugu tapiissutit tunniunneqarsinnaanerat ullunik 30-niksioqqullugu najukkami sunngiffimmut pisortamut qinnuteqaat nassiunneqassaaq. Qinnuteqarnissamut piffissaliussaq malinneqanngippat peqatigiiffiit, ataatsimiititaliat, inuinnaallu qinnuteqaamminik itigartinneqarsinnaapput.
§ 5. Tapiissutinik atuisimanermut uppernarsaatit
Imm. 1. Kommune Qeqertalimmut naatsorsuutit tunniunneqareersimassapput, sammisaqartitsinerup kingorna kingusinnerpaamik qaammat ataaseq qaangiutsinnagu, akiliutinut uppernarsaatit ilanngullugit. Ulluliussaq qaangerlugu naatsorsuutiniktunniussisoqarsimanngippat qinnuteqaqqinnermi itingartitsinermik kinguneqassaaq. Peqquteqavillunili ulluliussaq qaangerlugu tunniussisoqarsinnaanera akuerisassanngorlugu qinnutigineqarsinnaavoq.
Imm. 2. Tapiiffigineqarnissamut qinnuteqaammi anguniakkatut allassimasut naapertorlugit tapiissutittamarmiusut imaluunniit ilaannakortumik atorneqarsimassanngikkunik tapiissutit atunngitsuukkat Kommune Qeqertalimmut utertinneqassapput.
Imm. 3. Atunngitsuukkat utertinneqanngippata nutaamik qinnuteqaasiornermi itigartitsisoqassaaq,atunngitsuukkat peqatigiiffimmiit, ataatsimiititalianiit, inuinnarniillu Kommune Qeqertalimmut utertitsinissap tungaanut.
§ 6. Aningaasaliissutit killingi
Imm. 1. Kommunalbestyrelsip missingersuutit suliarineqarnerini ukiumoortumik aningaasat tapiissutissat amerlassusaat aalajangersortassavai.
Imm. 2. Kommunimi inoqarfinni sisamaasuni inuit najugallit amerlassusaat malillugit tapiissutit amerlassusilersorneqartassapput aamma agguarneqartassapput.
Imm. 3. Peqatigiiffiup suleqatigiiffiulluunniit (Komite) aallartisarneranut 1.000 kr. tungaanut tapiissuteqartoqarsinnaavoq.
Imm. 4. Peqatigiiffik pisortatigoortumik nuna tamakkerlugu unammersuarnermik aaqqissuisoq 40.000 kr. tikillugit tapiiffigineqarsinnaavoq, taakku ullormusiaqartitsinermut imaluunniit inunnut ajunngitsorsiassatut atorneqaqqusaanngillat. Holdit ataatsimik amerlanerusunik peqataatitaqassagunik - arnat angutillu taava
kr. tungaanut tapiisoqarsinnaavoq.
Imm. 5. Aaqqissuussat pereersut tapiissuteqarfigineqarsinnaanngillat.
Imm. 6. Peqatigiiffiit Kommune Qeqertalimmut akiitsoqartut akiitsut akilersornissaannik, allaganngorlugu isumaqatigiissuteqareerunik aatsaat tapiissuteqarfigineqarsinnaapput.
§ 7. Timersornermik siunertallit tapiissuteqarfigineqartarneri
Imm. 1. angalanermut aningaasartuutinut imaluunniit peqataanermi akiliummut tapiissuteqartoqarsinnaavoq, peqataanermut akiliutip angalanermut aningaasartuutit holdinut peqataasulinnut ataatsinut matussuserneqarpata:
• Inersimasunut annerpaamik 60%-mik angalanermut imaluunniit peqataanermut akiliummut aningaasartuutinut tapiisoqarsinnaavoq, Kattuffiit pisortatigoortumik aaqqissugaanut akuerisaanilu pissartanngorniunnissamut anngunniunnernut aamma ajugaanniutivinnernut.
• Inoqarfiit 1500 inorlugit inulinni kattuffiit aaqqissortagaannut peqataanermut tunngatillugu angalanernut peqataanermut akiliummut annerpaamik 80% angullugit tapiisoqarsinnaassasoq.
• Meeqqanut inuusuttunullu 18 inorlugit ukiulinnut angalanermut imaluunniit peqataanermut akiliummut aningaasartuutinut annerpaamik 90%-mik tapiisoqarsinnaavoq, kattuffiit aaqqissugaanut akuerisaanilu pissartanngorniunnissamut anngunniunnernullu, matumani Kalaallit Arsaattartut Kattuffiata (KAK) ilaasortaminut meeqqanut Cup-imik unammiuaartitsineri ilanngullugit.
• Pisortatigoortuunngitsumik GM-imi anngunnermi Old Boys aamma Old Girls (utoqqasaat) peqataanerini angalanerni imaluunniit peqataanermi akiliutini aningaasartuutinut annerpaamik 50%-mik tapiisoqarsinnaavoq
• Utoqqaat timersoqatigiiffiinut iligiit ataatsit unammersuariarnerannut annerpaamik 60% angalanermut imaluunniit peqataanermut akiliummut aningaasartuutinut tapiisoqarsinnaavoq. Inoqarfinnilu 1.500 inorlugillu inulinni aningaasaliisinnaaneq annerpaamik 80% angullugu tapiisoqarsinnaassaaq
• Nunani avannarlerni Europamilu meeqqanut inuusuttuaqqanullu 18-it inorlugit ukiulinnut ukiumut angalaneq ataaseq timersoqatigiiffimmut ataatsimut unammisaqattaartoqarnerani angalanermut 40% angullugu tapiisoqarsinnaavoq. Unammisaqattaarneq paasineqassaaq ullut arlariit unammisaqattaarneq, tamatumani holdinut arlariinnut unammisoqassalluni. Nunanut allanut angalalluni sungiusariarnernut tapiissuteqartoqarneq ajorpoq.
• Peqataasut Kommune Qeqertalimmi najugaqassapput. Tamanna piumasaqaat timersortartunut 18-it inorlugit ukiulinnut ilinniagaqarnertik tunngavigalugu Kommune Qeqertaliup avataani najugaqarallartunut atuutinngilaq.
Imm. 2. Kommune Qeqertalimmi pissartanngorniunnermi holdi ataaseq annerpaamik Kommune Qeqertalimmi pissartanngorniunnermi holdi ataaseq annerpaamik 50%-mik angalanermut imaluunniit peqataanermut akiliummut taperneqarsinnaavoq.
Imm. 3. Meeqqat inuusuttullu 17-it tikillugit ukiullit illup iluani silamilu sammisaqartinneqarnerini attartornermut, ukiumoortumik fodboldskolimut aamma handboldskolimut ilinniartitsinernilu atortunut,aningaasartuutit tamarmiusut 100%- mik matussuserneqartassapput.
Imm. 3.1. Utoqqaat innarluutillillu suliunnaarnersiutillillu timersortarfimmik atuineranni aningaasartuutit100%-mik matussuserneqartassapput.
Imm. 4. Kommunip timersortarfiutaani illup iluani silamilu inuusuttut 18-it sinnerlugit ukiullit timersornermik anguniagallit, sammisaqartinneqarnerini atortunik attartornermut aningaasartuutit ukiumoortumik akuerineqartut malillugit "Kommunimi Akigititat" atorlugit matussuserneqartassapput.
Imm. 5. Nammineq pigisumi Aasianni inuusuttut 18-it sinnerlugit ukiullit timersornermik anguniagallit, timersortarfinni illup iluani silamilu sammisaqartinneqarnerini atortunik attartornermut aningaasartuutit 90 %-ii matussuserneqartassapput.
Imm. 6. Ukioq timersorfiusoq tamakkerlugu meeqqanut inuusuttuaqqanullu 17-it tikillugit ukiulinnutsungiusaanermik ingerlatsiniartilluni inatsit naapertorlugu meeqqanut pinerliisimannginnermi uppernarsaammik, pinerliisimannginnermillu uppernarsaammik pissarsinissamut pisussaaffiliivoq, sungiusaasumut ataatsimut 5.000 kr. tikillugu tapiissutitut tunniunneqarsinnaapput. Ukioq timersorfiusoq septemberimiit maj/junimut sungiusaasutut ingerlatsisimanermut uppernarsaat, tapiissuteqarfigineqarnissamik qinnuteqaammut ilanngullugu peqatigiiffimmiit nassiunneqassaaq.
Imm. 7. Nunanut allanut unammiartorluni peqataanerni, Kommune Qeqertalimmi najugaqartumut nunatamakkerlugu holdikkaarluni unamminermi peqataasumut ataatsimut kaasarfimmiussaanik ataasiartumik 1.000 kr. tapiissutigineqarsinnaavoq.
Imm. 8. "Ukiup Timersullammaatut nersornaasiineq" annerpaamik 5.000 kr. aningaasartarissavaa, timersornerullu iluani nersornaasiinernut allanut, inummut ataatsimut inoqarfinnilu tamani nersornaasiinerit annerpaamik 3.000 kr. aningaasartaqartassapput. "Ukiup Timersullammaatut" allatigullutimersornerup tungaatigut nersornaaserneqartut toqqarneqassapput komitemit (ataatsimiititaliaq) makkunannga inuttaqartinneqartumit, sunngiffimmi susassaqartitsiniarnermi pisortaq, illoqarfinni nunaqarfinnilu tamani timersoqatigiiffinnit sinniisut. "Timersornerup ullua" ukiup nutaap aallartisimalaarnerani ingerlanneqartarpoq.
Imm. 9. lnuup peqqinnerunissaanut tunngassuteqartunut aaqqissuussinernut soorlu: Aasiaat Midnight SunMarathonmut Kulunnguaq Run-mut 15.000 kr. tikillugu ingerlatsinermut aningaasartuutigiumaagassanut tapiissuteqartoqarsinnaavoq.
§ 8. Kulturikkut aaqqissuussat tapiissuteqarfigineqartarneri
Imm.1. Kommune Qeqertalimmi najukkani peqatigiiffiit, suleqatigiit, komite inuinnaallu § 3-mi piumasaqaatinnik naammassinnittut aningaasartuutaannut 50%-mik makkunannga aaqqissuussinernuttapiissuteqarsinnaavoq makkunannga aaqqissuussinernut:
1. lnnuttaasunik paasisitsiniaaneq, soorlu assersuutigalugu kulturi timersornerlu pillugitpaasititsiniaanerit
2. Piorsarsimassutsip (kulturip) ineriartortinneqarneranik suliniarneq aamma saqqummersitsinerit
3. Najukkami peqatigiiffiit ataatsimoorussamik siunertallit
4. lsiginnaartitsinerit, erinarsornerit aamma nipilersornerit
5. Filmertitsinerit aamma videortitsinerit
Imm. 2. Angalanerit aningaasartuutaasa affai tapiissuteqarfigineqarsinnaapput - taamaattoq Kommune Qeqertalimmi nipilersortartut erinarsortartullu Kommune Qeqertaliup avataani kulturip ineriartortinneqarneranik suliaqarnermik ilaqassappata amerlanerpaamik 15.000 kr. angullugit siumut utimullu angalanissamut tapiisoqarsinnaalluni.
Imm. 3. "Kulturikkut nersornaammik" lnuiattut ullorsiornermi ulloq 21.6 tunniunneqartartussami nersornaat annerpaamik 3.000 kr. aningaasartaqartassaaq illoqarfinni nunaqarfinnilu tamani (immikkuttamarmik). "Ukiumi Kulturikkut nersornaammik" nersornaaserneqartut toqqarneqassapput
ataatsimiititaliamit makkunannga inuttaqartinneqartumit, sunngiffimmi susassaqartitsiniarnermi pisortaq, illoqarfinni nunaqarfinnilu tamani kulturikkut peqatigiiffinniit tamanit sinniisunit
Imm. 4. Angalanernut aningaasartuutinut annerpaamik 40% angullugit Qimussimik Kalaallit Nunaanni pissartanngorniunnernut, tapiissutigineqarsinnaapput.
Imm. 5. Nipilersornikkut aaqqissuussat annertuut ingerlanneqarnissaannut 75.000 kr. tikillugu tapiissuteqartoqartassaaq.
§ 9. Akuersisinnaatitaasut
Imm. 1. Qinnuteqaammi aningaasat assigiinngitsunik annertussuseqartut kommunimut aningaasaliissutigineqarsimasut iluini najukkami Timi Tamimi sunngiffimmi pisortamut illoqarfimmilu aqutsisumut kiisalu inoqarfimmi aqutsisooqatigiittuni aalajangigassanngortillugit ingerlanneqartassapput.
Imm. 2. Sunngiffimmi pisortap aqutsisulluunniit pisortat ingerlatsinerat pillugu paasitinneqarsinnaatitaaneq pillugu lnatsisartut inatsisaat nr. 9, 13. juni 1994-imeersumi kapital 2-imiallassimasut malittussaavai.
Imm. 3. Qulaani aalajangersakkat Kommune Qeqertalimmi kommunalbestyrelsimut naammagittaalliutigineqarsinnaapput.
Ataatsimiititaliami Timi Tarnimiit akuerineqarpoq ulloq 06.10.2023
___________________________________
Mariane S. Larsen
Siulittaasoq, Ataatsimiititaliaq Timi Tarni
Kommune Qeqertalimi Kommunalbestyrelsimit akuerineqarpoq ulloq 26.10.2023
Ane Hansen
Borgmester, Kommune Qeqertalik
Una toorlungu ileqqoreqqusaq tamaat aajuk: PDF