Kommunalbestyrelsip suleriaasissaa naliginnaasoq

§ 1. Kommunalbestyrelsip ataatsimiinneri tamanut ammasuupput. Taamaattoq Kommunalbestyrelsip suliassat ataasiakkaat matoqqasumik oqaluuserineqarnissaat akuersissutigisinnaavaa,
tak. Kommunit aqunneqarnerat pillugu Inatsisartut inatsisaat nr. 29, 17. November 2017-meersoq § 9 (Aqutsinissamut inatsit).

Imm. 2. Suliassat makkua, suliassani ataasiakkaani kommunalbestyrelse allatut ittunik aalajangiisimanngippat - matoqqasumik oqaluuserineqassapput:

1. Suliassat aalajangiivigineqarnissaminni inunnut tunngassuteqartunik naliliisariaqarfiusut

2. Suliassat illuutinik aalaakkaasunik pisinissarnik tunisinissamilluunniit ilaqartut, aamma

3. IIIuni suliassat pisiassallu pillugit missingiutit neqeroorutillu.

Imm. 3. Taamaattoq suliassap matoqqasurnik oqaluuserineqarnissaanut tunngavissaqarnersoq pillugu apeqqut matoqqasumik oqaluuserineqassaaq tamanna Kommunalbestyrelsimit imaluunniit Borgmesterimit aalajangerneqarpat, tak. aqutsinissamut inatsit § 9.

Imm. 4. Paasissutissanik matoqqasunik ataatsimiinnermi eqqartorneqarsimasuni, sulianilluunniit allani nipangiussimasussaatitaanermik inatsimmi aalajangikkatigut nipangiussimasussaatitaanermik inatsimmi aalajangersakkatigut nipangiussimasussaatitaanermi killiliivigineqarput.
Nipangiussimasussaatitaaneq kommunimut allanulluunniit matoqqasumik suliarinninnermut sunniuteqarsinnaasut atuunnerat tamaat atuutissaaq.

Imm. 5. Kommunimi atorfillit suliani matoqqasuni najuunnissamut kommunalbestyrelsimit pisinnaatinneqarsinnaapput, ilanngullugu inuit allat aggersarneqarsinnaapput suliamut tunngasumik nassuiaateqartoqarnissaa kissaatigineqarpat.

Imm. 6. Suliassat matoqqasumik oqaluuserineqartussat sapinngisamik kingulliullugit oqaluuserineqassapput.

Imm. 7. Kialluunniit Kommunalbestyrelsip ataatsimiinneri ammasut najuuffigisinnaavai eqqissisimasumik torersumillu pissuseqarnissarnik piumasaqaateqarneq sianigalugu. Tusarnaartup oqaluuserinninnerit akornusersorpagit Borgmesterip pineqartoq imaluunniit pisariaqartinneqarpat tusarnaartut tamaasa ataatsimiinnermit qimagutsissinnaavai. Borgmesterip immikkut
inissat tusagassiorfiit sinniisuisa atugassaat inniminnersinnaavai.

Imm. 8. Kommunalbestyrelsip ataatsimiinneri ammasut TV-mut imaluunniit radiumut immiunneqarnissaat akuerisinnaavaa.

§ 2. Ilaasortaq Kommunalbestyrelsip ataatsimiinnissaani ataatsimeeqataasinnaajunnaaruni tamatuminnga Borgmesteri allakkatigut nalunaarfigissavaa ugguuna qeqertalik@qeqertalik.gl, ilanngullugu allatsi CC-neqassalluni. Ataatsimeeqataasinnaanani nalunaarneq ataatsimiinnissaq sapinngisamik ullunik tallimanik sioqqullugu nalunaarutigineqassaaq. Ataatsimiinnerni ataasiakkaani ataatsimiinnerup imaqarniliornerani allanneqartassaaq ilaasortaq kina ataatsimeeqataasimannginnersoq, kinalu sinniisutut ataatsimeeqataasimanersoq.

§ 3. Kommunalbestyrelsimi ilaasortaq kinaluunniit kommunip susassaqarfii pillugit apeqqutit suulluunniit kommunalbestyrelsimut apeqqutigisinnaavai, aamma tamakku pillugit aalajangiivigineqartussamik siunnersuuteqarsinnaavoq, aqutsineq pillugu inatsimmi § 13 naapertorlugu.

Imm. 2 Apeqquteqaat naatsumik ersarissumik allanneqarsimassaaq, tunngavilersuummillu ilaqartinneqassalluni.

Imm. 3 Ilaasortaq imm. 2 aallaavigalugu kommunip susassaqarfii pillugit apeqquteqaruni, apeqqutit qeqertalik@qeqertalik.gl-mut nassiutissavai, siunnersuutit aamma tamatumunnga atuupput, taamaattoq tak.§ 4. Apeqqutit tiguneqartut borgmesterimut aamma Allattoqarfik Inuanut erngertumik ingerlateqqinneqassapput. Tassani nalilerneqassaaq apeqqutit allaffissornikkut akissuteqarfigineqarsinnaanersoq. Allaffissornikkut akissuteqarfigineqarsinnaaneranik nalilerneqarpat, sapinngisamik ullut 14-it qaangiutsinnagit akissuteqartoqassaaq, tamannali pisinnaanngippat apeqquteqartoq ilisimatinneqassaaq qaqugu akineqarnissaminik naatsorsuuteqarsinnaanersoq. Apeqquteqaat akissuteqarfigineqarsinnaanngitsutut nalilerneqarpat, apeqquteqaat akissuteqarfigiumallugu ataatsimiititaliamut susassaqartumut ingerlateqqinneqarsinnaassaaq. Apeqquteqaatit taakkununngalu akissuteqaatit kommunip nittartagaani saqqummiunneqartassapput, apeqqutit akissutissartaalu paasissutissanik isertuuttariaqakkanik imaqanngippat. Apeqqutit akissutillu assilineri tamatigut kommunalbestyrelsimi ilaasortanut tamanut nassiunneqartassapput, apeqqutit akissutillu isertuuttariaqakkanik imaqaraluarpataluunniit.

Imm. 4 Kommunalbestyrelsimi ilaasortaq innuttaasunik saaffiginneqarnermini, innuttaasumut saaffigisassaq eqqortoq innersuutigissavaa.

Imm. 5 Kommunalbestyrelsimi qinikkatut saaffiginninnissaq pissaaq taamaallaat borgmesterimut aamma Allattoqarfik Inuanut.

§ 4. Ileqquusumik ataatsimiinnissaq kingusinnerpaamik ullunik 21-nik sioqqullugu allakkatigut suliassaq oqaluuserineqassasoq qinnutigineqarsimappat taanna siullermik ataatsimiinnissami oqaluuserisassanut Borgmesterimit ilanngunneqassaaq. Borgmesterili suliassamut naliliippat piffissaq sivisunerusoq pisariaqartinneqartoq kinguartitsisinnaavoq, tamannalu ataatsimiinnermi siullermi ilisimatitsissutitut ilanngunneqartassaaq. Suliassamik nassiussinermi Borgmesterip allattoqarfia, akissuteqartassaaq, suliassap tigusimaneranik, kiisalu ataatsimiititalianut ingerlateqqinneqarneranik.

Imm. 2. Ileqquusumik ataatsimiinnissaq kingusinnerpaamik ulluinnarnik tallimanik sioqqullugu oqaluuserisassanut takussutissiap Kommunalbestyrelsimi ilaasortanut tamanut nassiunneqarnissaa Borgmesterip isumagissavaa.

Imm. 3. Oqaluuserisassat ilanngussallu kommunalbestyrelsimi ilaasortat qinikkatut sulinerminni e-mailianut nassiunneqartassapput.

Imm. 4 Suliassaq ileqquusumik ataatsimiinnissami oqaluuserisassanut ilanngunneqaraangat suliassap nalilerneqarnissaanut atugassat pisariaqartinneqartut - ilaasortanut nassiunneqareersimanngikkunik - kommunip allaffianiit innuttaasunit tiguneqarsinnaassapput sivikinnerpaamik ulluinnarni sisamani ataatsimiinnissaq sioqqullugu. Tamatumunnga peqatigitillugu oqaluuserisassanut takussutissiaq saqqumitinneqassaaq.

Imm. 5. Immikkut ittumik ataatsimiinnissamut ataatsimiigiaqqusinermi Borgmesterip sapinngisamik suliassat suut ataatsimiinnissami oqaluuserineqarumaarnersut sukumiisumik ilaasortanut ilisimatitsissutigissavai.

§ 5. Kommunalbestyrelsi ilaasortat ikinnerpaamik affaat peqataagunik kommunalbestyrelse aalajangiisinnaassuseqarpoq, tak. aqutsinissamik inatsit § 11, stk. 1.

Imm. 2. Kommunalbestyrelsip ataatsimiinneri Borgmesterimit, taannalu pisinnaanngippat tullersortaanit siullermit (aappaanit) aqunneqassapput. Borgmesterip oqaluuserinninnerup aqunneqarnera ataatsimiinnerullu nalaani torersumik pissuseqamissaq pillugu apeqqutit tamaasa aalajangiiffigisassavai. Aammattaaq immikkoortut taasiffiusussat Borgmesterip aaqqissuuttassavai.

Imm. 3. Kinaluunniit oqaaseqarumasoq Borgmesterimut saaffiginnissaaq, taassumalu ilaasortat piumasaqaateqarsimasut tulleriinneri malillugit oqaaseqartittassavai. Ilaasortat arlallit oqaaseqarumallutik ataatsikkut piumasaqaateqarpata Borgmesterip oqaaseqartussat tulleriinnilissavai. Oqaaseqartut Borgmesteriunngitsumik kipitinneqassanngillat.

Imm. 4. Ilaasortap kialluunniit torersumik pissuseqarnissap malinneqarnissaa pillugu Borgmesterip aalajangiinera malissavaa. llaasortaq ataatsimiinnermi ataatsimi marloriarluni torersumik pissuseqarnissamik peqquneqarsimappat Borgmesterip siunnersuuteqarneratigut ataatsimiinnermi tassani oqaaseqaqqissanngitsoq Kommunalbestyrelsip aalajangersinnaavaa.

Imm. 5. Borgmesterip apeqqutit nammineq aalajangiiffigisinnaasani Kommunalbestyrelsimut aalajangiiffigisassanngortissinnaavai.

§ 6. Suliassat ataatsimiinnermi oqaluuserineqassapput Borgmesterip tulleriinnilersuinera malillugu, taamaalillunilu oqaluuserisassanut takussutissiami tulleriinnilersuineq saneqqussinnaallugu.

Imm. 2. Ilaasortaq kinaluunniit ataatsimiinnerup aallartinnerani oqaluuserisassanut takussutissiaq pillugu, tassunga ilanngullugu oqaluuserisassat tulleriiaarneqarnerat pillugu apeqqutinut oqaaseqarnissaminik aammalu oqaluuserisassat matoqqasumi oqaluuserisassanut nuunneqarnissaannik akerlianilluunniit piumasaqaateqarsinnaavoq.

§ 7. Inatsisitigut allamik aalajangiisoqarsimanngippat imaluunniit marloriarluni oqaluuserinninnissaq Kommunalbestyrelsimit aalajangiunneqarsimanngippat suliassaq ataasiaannarluni oqaluuserineqassaaq. Kommunip aqutsinissamik ileqqoreqqusaa aqutsinissamik inatsisip § 1, stk 2 naapertorlugu marloriarluni oqaluuserineqassaaq, aammattaaq ukiumoortumik missingersuusiat marloriarlutik oqaluuserineqassapput, tak. Kommunit Namminersorlutillu Oqartussat missingersuutaat naatsorsuutaallu pillugit Inatsisartut Inatsisaat nr. 26, 28. November 2016-meersoq § 21.

Imm. 2. Siullermeerlugu oqaluuserinninnermi suliassap aalajangiivigineqamissaa taasissutigineqassanngilaq, taamaallaat aappassaaneerlugu oqaluuserisassanngortinneqarnera. Suliassap aappassaaneerluni oqaluuserisassanngortinneqannginnerani ilaasortaq kinaluunniit suliassaq pineqartoq pillugu oqaaseqarumasinnaavoq suliap aappassaaneerneqarnissaanut Kommunalbestyrelsimit aalajangiiffigineqannginnerani. Siullermeerlugu aappassaaneerlugulu oqaluuserineqarnera ullormi ataatsimi pissanngilaq. Taamaattoq aqutsinissamut ileqqoreqqusap aamma ukiumoorturnik missingersuusiat siullermeerlugu aappassaaneerlugulu oqaluuserineqarnerat pissaaq aqutsinissamut inatsisip § 1, stk 2 aamma aningaasaqarnermut aqutsinissamut inatsisip § 21 malillugit ullunik 14-inik akunneqartillugit.

Imm. 3. Suliassaq marloriarlugu oqaluuserineqassatillugu siullermeerlugu oqaluuserineqarnerani pappiaqqat atorneqartut sapinngisamik ilaasortanut saqqummiunneqassapput imaluunniit taakku akornanni kaaviiaartinneqassallutik.

§ 8. Kommunalbestyrelsi aalajangersinnaavoq suliassaq ataatsimiititaliap aalajangersimasup susassaqarfiinut ilaanngitsoq ataatsimiititaliat ataavaartut ilaanni oqaluuserisassanngortinneqassasoq.

Imm. 2. Kommunalbestyrelsi isumaqarpat suliassaq Kommunalbestyrelsimi oqaluuserineqannginnermini immikkut ataatsimiititaliami oqaluuserineqartariaqartoq ataatsimiititaliaq taamaattoq pilersinneqassaaq Kommunalbestyrelsip suliassami tassani aalajangiinera malillugu amerlassuseqartumik ilaasortaqartoq.

Imm. 3. Immikkut ataatsimiititaliaq nammineq siulittaasussamik qinersisussaq allaganngorlugu nassuiaasiussaaq Borgmesterimut ingerlatinneqartussamik, taassumalu taanna Kommunalbestyrelsimut ilaasortaanut agguaatissavaa.

§ 9. Ilaasortat ilaat suliassami aalajangersimasumi inuttut ima soqutigisaqartiginersoq, suliassamillu taassuminnga Kommunalbestyrelsip oqaluuserinninnerani taasineranilu peqataanngitsoortariaqarnersoq, Kommunalbestyrelsip aalajangiiffigissavaa. Taamatut pisoqartillugu suliassap saqqummiunneqarnerani, oqaluuserineqarnerani taasissutigineqarneranilu pineqartup ini ataatsimiiffik qimassavaa.

Imm. 2. llaasortap pissutsinik suliassanilu aalajangersimasuni inuttut soqutigisaqamini pissutigalugu ataatsimiissutiginninnerni taasinernilu peqataasinnaanerminut nalornisoornartoqartillugu Kommunalbestyrelsi ilisimatissavaa.

§ 10. Ilaasortat Kommunalbesyrelsip isumaqatiginninniarnerini taasinerinilu taamaallaat peqataasinnaapput taakkunani nammineerlutik najuunnermikkut.

Imm. 2. Kommunalbestyrelsi aalajangersinnaavoq, ilaasortat ilaat naapilluni ataatsimiinermut ilaasussatut oqarasuaatikkut attaveqaatilluunniit allat atornerisigut peqataasinnaasut, soorlu aamma kommunalbestyrelsi aalajangersinnaasoq ataatsimiinneq taamaallaat oqarasuaatikkuinnaq imaluunniit attaveqaatit allat atornerisiguinnaq soorlu teamsi atorlugu ingerlanneqassasoq.

Imm. 3. Kommunalbestyrelsimut ilaasortaq teknologi atorlugu attaveqaatikkut kommunalbestyrelsip isumaqatigiinniarnerini taasinerinilu peqataasinnaatitaavoq, aqutsineq pillugu inatsimmi tamatumunnga malittarisassat naapertorlugit, aqutsineq pillugu inatsimmi §11, imm. 2 naapertorlugu.

§ 11. Taasinerit ingerlanneqassapput ilaasortat nappaanerisigut imaluunniit tamanut nalunaarutiginerisigut.

Imm. 2. Inatsisitigut allanik maleruagassaqanngikkaangat aalajangiinerit tamarmik amerlanerussuteqarnikkut aalajangiivigineqartassapput.

Imm. 3. Borgmesteri isumaqaruni suliassap qanoq inaarneqarnissaa ima nalorninaatsigisoq taasissutigineqarnissaa pisariaqarani tamanna oqaatigissavaa suliassap qanoq inaarneqarneratut isummani oqaatigiutigalugu. Taassuma kingorna ilaasortat arlaannaalluunnit taasinissamik piumasaqaateqanngippat Borgmesterip oqaatigisinnaavaa suliassaq naammassineqartoq inaarneqarneratut isummani naapertorlugu.

Imm. 4. Taasineq allattuilluni taasiffilerluni ingerlanneqassaaq, tamannalu Borgmesterimit isumagineqassaaq tunniunneqarlunilu ilaasortaq ataaseq amerlanerilluunniit piumasaqaateqarpata.

§ 12. Allannguutissatut aamma ilaannakortumik allannguutissatut siunnersuutit saqqummiunneqarsinnaapput taasinissaq pitinnagu, siunnersuutillu taamaattut suliassat marloriarlugit oqaluuserineqartussat siullermeerlugit oqaluuserineqarneranni saqqummiunneqartariaqaratilluunniit ilimasaarutigisariaqanngillat, taamaattoq tak. imm. 2.

Imm. 2. Suliassat marloriarlutik oqaluuserineqartussat eqqarsaatigalugit Kommunalbestyrelsi aalajangersinnaavoq allannguutissatut aamma pissutsit tunngavigalugit ilaannakortumik allannguutissatut siunnersuutinik saqqummiussinissamut piffissaliisoqassasoq, taamatut pisoqartillugu piffissarititaasup qaangiutereerneratigut saqqummiussisoqarsinnaanngilaq.

Imm. 3. Allannguutissatut aamma ilaannakortumik allannguutissatut siunnersuutit aappassaaneerIugu oqaluuserinninnissaq sioqqullugu ilaasortanut ilisimatitsissutigineqarsimanngippata oqaluuserinninnerit aallartinneranni Borgmesteri siunnersuutit pillugit nalunaaruteqassaaq, taakku saqqummiunneqarsimappata. Borgmesterip aalajangissavaa allannguutissatut siunnersuutit qanoq tulleriinneqarlutik taasissutigineqassanersut, taakku taasissutigineqartassapput siunnersuutigineqaqqaartoq taasissutigineqartinnagu.

Imm. 4. Ataatsimiititaliamik pilersitsinissamik, ataatsimiititaliamut siusinnerusukkut pilersinneqareersimasumut suliassap innersuunneqarnissaanik imaluunniit ataatsimiititaliami nangillugu suliarineqarnissaanik siunnersuutit saqqummiunneqarsinnaapput suliassap taasissutigineqarnissaa pitinnagu. Suliassap oqaluuserineqarnera aallartinneqareersoq siunnersuutit taamaattut saqqummiunneqarpata suliassap oqaluuserineqamera unitsinneqassaaq, Kommunalbestyrelsip aalajangiiffigissavaa suliassaq ataatsimiititaliami oqaluuserineqassanersoq.

§ 13. Siulittaasumik, inunnillu ataasiakkaanik allanik qinersinerit, taakkununnga ilanngullugit kommunimi sulisussanik atorfinitsitsinerit, ingerlanneqassapput amerlanerussuteqamikkut qinersinertut.

Imm. 2. Amerlanerussuteqarluni qinersinikkut qinigaassaaq qinigassaq taasinerit affaanit amerlanerusunit (taasinernik amerlanerpaanik) taaneqartoq. Qinigassaq taasinerit affaanit amerlanerusunit taaneqanngippat qinigassat marluk amerlanerpaanit taaneqarsimasut akornanni aalajangersimasumik qinersisoqassaaq, aalajangersimasumik qinersisoqarnerani taasinerit amerlaqatigiippata amerlanerpaamik taaneqartut akornanni marluk qinigassanngortinneqassasut makitsinikkut aalajangerneqassaaq. Tassani taasinerit amerlaqatigiippata makitsinikkut aalajangiineqassaaq.

§ 14. Kommunalbestyrelsimi, kommissionini siulersuisuni taamaaqataannilu ilaasortassanik marlunnik amerlanernilluunniit Kommunalbestyrelsip qinersineri ingerlanneqassapput qanoq amerlassuseqarneq tunngavigalugu qinersinertigut.

Imm. 2. Qanoq amerlassuseqameq tunngavigalugu qinersinerit ingerlanneqassapput imatut:

Kommunalbestyrelsimi ilaasortat immikkoortunut agguaatissapput qinersinissami pineqartumi qanoq taasiumanerlutik Borgmesterimut nalunaaruteqarsimanertik malillugu. Immikkoortut ataasiakkaat ilaasortaat agguarneqassapput 1-imik, 2-mik 3-mik il.il. Taakku malillugit amerlassuseq malillugu tulleriinnilerlutik immikkoortut sinniisuutitassatik qinertassavaat. Amerlassutsit marluk amerlanerilluunniit amerlaqatigiippata qanoq tulleriinneqarnissaq makitsinikkut aalajangerneqassaaq. Immikkoortut ataasiakkaat sinniisuutitassatik naammatsillugit aalajangiiffigereerunikkit piaartumik Borgmesterimut nalunaarutigissavaat kikkut toqqarneqarsimanersut. Immikkoortup sinniisuutitassani ataaseq arlallilluunniit toqqanngitsoorsinnaavai. Taamatut pisoqartillugu inissat inuttalerneqanngitsut immikkoortut allat akornanni siuliani taaneqartutut inuttalerneqassapput.

§ 15. Kommunalbestyrelsip ataatsimiinnerini aalajangiinerit allanneqassapput Kommunalbestyrelsip allattaanit aalajangiinemut imaqarniliami. Borgmesterip oqaatigissavai suut allanneqassanersut.

Imm. 2. Ilaasortaq kinaluunniit piumasaqarsinnaavoq isummani allaasoq naatsumik imaqarniliami allanneqaqqullugu, tak. aqutsinissamut inatsisip § 16-ia.

Imm. 3. Aalajangiinemut imaqarniliaq ataatsimiinnerit naammassinerini, allanneqarsimasut atuarneqareeraangata, ilaasortanit ataatsimeeqataasimasunit tamanit atsiorneqassaaq. Ilaasortat taasisimanertik imaluunnit pissutsit allat innersuutigalugit aalajangiinermut imaqarniliaq atsiorumanngissinnaanngilaat.

Imm. 4. Imaqarniliap atsiorneqarneraniit kingusinnerpaamik qaammat ataaseq qaangiuppat ammasumik matoqqasumillu ataatsimiinnermi imaqarniliap nuutsinnera Naalakkersuisunut Nakkutilliisoqarfimmullu Borgmesterimit nassiunneqassaaq.

§ 16. Ilaasortaq kinaluunniit suleriaasissami aalajangersakkat qanoq paasineqarnissaannik Borgmesterip aalajangiinera malissallugu pisussaatitaavoq, apeqqutilli Kommunalbestyrelsip tullianik ataatsimiinnissaani saqqummiunneqarsinnaatitaapput.

§ 17. Suleriaasissaq manna atortuulersinneqarpoq ulloq 2. maj 2025.

Taamaalilluni akuersissutigineqarpoq Kornmunalbestyrelsip ataatsimiinnerani ulloq 2. maaji 2025.


Simigaq Heilmann
Borgmesteri