Ataatsimoorussamik meeqqaminnut angajoqqaat tamarmik immikkut pilersuisussaatitaapput. Angajoqqaat inuunerminni atugaat, aamma meeqqamut pitsaanerpaasussaq eqqarsaatigalugit, meeraq pilersorneqassaaq, perorsarneqassaaq aamma ilinniartinneqassaaq.
Meeqqamut pilersuisussaatitaanertik angajoqqaap aappaata naammassinngippagu, angajoqqaap aappata angajoqqaaqatimi meeqqap pilersorneqarneranut akilersuuteqarnissamik naalakkerneqarnissaa noqqaassutigisinnaavaa.
Nalinginnaasumik taamaallaat meeqqap 18-iliinissaanut akilersuisoqassaaq. Meeraq ilinniartuuppat, taamaattoq pisut ilaanni meeraq 24-inik ukioqaleersimanissami tungaanut pilersuutinik pisinnaavoq. Meeqqap, anaanaasup ataataasullu isertitaat tassunga apeqqutaapput. Ilinniarnermut akilersuutit pillugit aalajangiisoqannginnerani, Naalagaaffiup Sinniisoqarfia aningaasaqarneq pillugu paasissutissanik pissarsiniassaaq.
Angajoqqaaq taanna meeqqamik najugaqateqartoq – imaluunniit sivisunerpaamik najugaqateqartoq, aallaaviatigut tassaassaaq meeqqap pilersorneqarnissaanut meeqqanut akilersuutinik angajoqqaaqatimi akiliinissaanik qinnuteqartussaq.
Taamaalilluni, assersuutigalugu avinnerup kingorna meeqqamut pilersuinermut akilersuutitut, meeqqanut akilersuutit aningaasatigut tapiissutaapput angajoqqaap aappaata (akilersuutinik akiliisartup) angajoqqaaqatiminut (akilersuutinik tigusisartumut) akiligassai.
Ilinniarnermut akilersuutinik pisarnissamut tulliuttut piumasaqaataapput:
• meeraq Kalaallit Nunaanni kommunimi angerlarsimaffeqassasoq
• meeraq imaluunniit akilersuutinik tigusisartoq qallunaat naalagaaffianni innutaasutut pisinnatitaassasoq, imaluunniit, allakkut, Kalaallit Nunaanni oqartussaasunit akilerneqartunik akilersuutinik tapiissutinilluunniit tigusinissamut pisinnaatitaasoq
• meeraq inuusuttorluunniit pisortanit pilersorneqassanngitsoq
• barnet ikke er i pleje med henblik på adoption/meeraq meeravissiartaarineqarnissaq siunertaralugu paarineqassanngitsoq
• meeqqap angajoqqaavi najugaqatigiissanngitsut
• meeqqap ilinniarneranut atatillugu angajoqqaap aappaa meeqqap pilersorneqarneranut siulianili akiliisannginnera
Meeqqap/inuusuttup isertitaanut pissutsit eqqarsaatigalugit akilersuutip annertussusaa aalajangersarneqassaaq.
Immikkut ittumik akilersuutinik qinnuteqarniaruit internettimut attaveqarneq atorlugu attataasaq quppernerup uumap qulerpiaaniittoq sungaartoq “Uani qinnuteqarit” atorlugu qinnuteqassaatit. Imminut kiffartuussivimmik aaqqiineq atorniarukku, illit inuttut MitID-t atorlugu qupperneq pulaffigissavat.
Qinnuteqaatinni tulliuttunut uppernarsaatit ilanngutissavatit:
- Ilinniartuunersiutisisaruit ilinniartuunersiutit
- Atuarfimmi/ilinniarfimmi/ilinniarfimmi tigutissimaneq, tassunga ilanngullugu ilinniartup naammassineqarnissaanut ulloq kingulleq naatsorsuutigineqartoq.
- Taamaattoqarpat pisortanit inunnilluunniit allanit tapiissutit meeqqap pisai/pisarsimasai
Takussutissiat pisariaqartinneqartut ilanngunneqarsimanngippata, Naalagaaffiup Sinniisoqarfiata qinnuteqaatit suliarisinnaanngilaa.
Toortagaq sungaartoq “Uani qinnuteqarit” toorlugu, digitaliusumik imminut kiffartuunneq aallartissavat.
Maluginiaruk: Illit MitID-t atorlugu quppernermut pulaguit, qinnuteqaatit digitaliusumik taamaallaat nassiussinnaavat.
Qinnuteqaat Naalagaaffiup Sinniisoqarfiata tiguguniuk aamma suliaq naammassillugu suliarineqarpat, Naalagaaffiup Sinniisoqarfia aalajangiinermik suliaqassaaq.
Angajoqqaajusup aappaata isumaqataanngikkaluarpalluunniit, ilinniarnermut akilersuummik qinnuteqarsinnaavutit. Taamaattoqassappat angajoqqaap aappaa Naalagaaffiup Sinniisoqarfiata tusarniaavigissavaa, taamaalilluni taassuma ilinniarnermut akilersuutinik qinnuteqarsimanerit ilisimalissavaa. Tamatuma kingorna qinnuteqaammut taanna oqaaseqaateqarnissamik periarfissaqarpoq.
Suliamik suliarinninnerup naammassineqareernerani aalajangiineq Naalagaaffiup Sinniisoqarfianit tigusat, ilinniarnermut akilersuutit pillugit qinnuteqaatip akuerineqarneranik imaluunniit qinnuteqaatip itigartinneqarneranik imaqassaaq.
Qinnuteqaat akuerineqarpat, aalajangiineq aammattaaq akilersuutip annertussusaata aalajangersarneqarneranik imaqassaaq.
Ilinniarnermut akilersuutit meeqqap 18-inik ukioqalerneranit meeqqap/inuusuttup 4-inik ukioqalernera tikillugu qinnutigineqarsinnaapput.
Naammagittaalliornissamut ilitsersuut
Naalagaaffiup Sinniisoqarfiata aalajangiinera Social- aamma Boligministereqarfimmut naammagittaalliuutigineqarsinnaavoq. Naammagittaalliuut Naalagaaffiup Sinniisoqarfianut nassiunneqassaaq, taassumalu naammagittaalliuut suliallu takussutissat Social- aamma Boligministereqarfimmut ingerlateqqissavaa.
Naammagittaalliornissamut piffissaliussaq
Taassuminnga tigusinerpit kingorna sapaatit akunnerisa 4 iluanni Naalagaaffiup sinniisoqarfiata aalajangiinera naammagittaalliuutigissallugu periarfissaqarputit. Taassuminnga tigusinernit sapaatit akunneri 4 sinnerlugit qaangiussimappata, taammallaat pisuni immikkut ittuni aalajangiineq pillugu naammagittaalliuutit suliarineqarsinnaavoq.