Angajoqqaaqatippit meeqqanut akilersuutinik pissaqartippaatit?
Taamaappat siumoortumik meeqqanut akilersuutinik qinnuteqarsinnaavutit. Tamanna isumaqarpoq, kommuunip meeqqanut akilersuutinikt tunigallassagaatit, tassani angajoqaaq akilersuisussaq akiliuteqarsimanngippat. Tamatuma kingorna kommuuni akilersuisussamiit akilerneqarnissai isumagissavaa.
Qinnuteqarniaruit meeqqanut akilersuutit pillugit aalajangiineq uku arlaanniit pigissavat:
• Kalaallit Nunaanni Sinniisoqarfik, imaluunniit
• Ulloq 1.april 2024 sioqqullugu eqqartuussivimmiit tigusat
Aalajangiinerup takutissavaa, illit angajoqqaaqatinniit meeqqamut imaluunniit ilinniagaqarnermut akilersuutit pillugit qinnuteqaat ilinnut pisinnaatitsisuusoq.
Meeqqap ataataa, anaanaa imaluunniit anaanaqaa meeqqamut akilersuisussaappat, kisiannili meeqqanik akilersuutinik akiliinani taava kommuunimiit tunineqarallarnissamik qinnuteqartoqasinnaavoq.
Tamanna isumaqarpoq, akiliisussaq akiliinngippat, taava kommuunip siumoortumik meeqqap pilersornissaanut aningaasat tunniutissavai. Tamatumunnga tulliullugu kommuunip pisortanut akiitsorineqartut akilersinniassavai.
Meeqqamut siumoortumik akilersuutinik kina pisinnaava?
Siumoortumik tunniunneqartussanik pisinnaavutit, ataani taaneqartut piumasaqaatit naammassineqarsimappata:
1. Akilersuutit pillugit aalajangiussamik peqaruit
* Meeqqanut akilersuutit pillugit imaluunniit ilinniagaqarnermut akilersuutit pillugit bidragsresolutionimik peqaruit.
*Bidragsresolutioni Kalaallit Nunaanni Sinniisoqarfimmiit imaluunnit ulloq 1. April 2024 sioqqullugu eqqartuussivimmiit pigigukku.
2. Najugaq aamma kommuunerisaq
*Kalaallit Nunaanni aalajangersimasumik najugaqassaatit
*Meeraq Kalaallit Nunaanni najugaqartuussaaq
*Meeraq 18-inik ukioqalereersimappat aammalu Qallunaat Nunaanni ilinniarpat imaluunniit nunani allani, taava ilinniagaqarnermut akilersuutinik qinnuteqarsinnaavutit.
3. Inuiaqatigiissuseq
*Illit imaluunniit meeraq qallunaatut innuttaassuseqassaaq,
*imaluunniit Qallunaat Nunaat nunaluunniit alla isumaqatigiissuteqarfigalugu pisinnaatitaassaatit.
4. Meeqqat pilersorneqarnera
* Meeraq angerlarsimaffiup avataanut inissinneqarsimasuussanngilaq imaluunnit pisortanit tamakkiisumik pilersugaanani.
5. Meeravissiartaarneq
* Meeraq meeravissianngornissaq siunertaralugu paaqqutarineqassanngilaq, tassani angajoqqaat akuerisaannik.
6. Angajoqqaat najugaqatigiinngittut
* Meeqqamut akilersuisussaq najugaqatigisussaanngilat
*(tamanna aamma atuuppoq anaanaasup akilersuisussaq najugaqatigippagu)
Ilisimassallugu pingaarutilik
• Meeqqamut akilersuut paaqqinniffimmut imaluunniit pisortaqarfinnut tunniunneqarsinnaanngilaq.
• Kommuuni aalajangersinnaavoq aningaasanngornagit tunniunneqarnissaannik (soorlu atisat imaluunniit nerisassat) imaluunniit meeqqamut pitsaanerpaajuppat piffissami sivikinnerusumi.
• Meeqqamut akilersuutit meeqqat 18-inik ukioqalernissaata tungaanut tunniunneqartassapput, imaluunniit siusinnerusukkut meeraq katippat.
• Nalinginnaasumiit annertunerusunik meeqqanut akilersuutinik pisinnaatitaaguit, tapiutigineqartoq siumoortumik tunniunneqarsinnaanngilaq.
Pisortaniit meeqqamut akilersuutit siumoortumik tunniunneqarsinnaasut ukuupput:
• Siumoortumik meeqqamut akilersuutit (ukioq 2025 qaammammut kr.1068,50)
• Anaanaasup erninissamut qaammatit marluk sioqqullugit aamma ernereernermi qaammat ataaseq (ukiumut kr.646 ukioq 2025)
• Meeqqap inunngornerani aningaasartuutinut (kr.612 ukioq 2025)
• Meeqqap kuisinneranut (kr.816 ukioq 2025)
• Meeqqap apersortinnerani, imaluunniit nalliuttorsiornermi allamut tunngatillugu (kr.6.241 ukioq 2025)
• Siumoortumik ilinniagaqarnermut akilersuutit (kr.1068,50 qaammammut ukioq 2025)
Ullormi akiliiffiusussap aqaguani meeqqanut akilersuutit tunniunneqartarput. Ulloq akiliiffiusussaq tassa meeqqat inuuvia tamatuma kingorna ukioq affakkaarlugu.
Aallaqqaasiutigalugu qulaaniittoq tuugassaq sungaartoq tuussavat.
Kommuunimi innuttaasunut saaffiginnittarfimmi imaluunniit www.sullissivik.gl (tuugassaq sungaartoq toorlugu) aqqutigalugu qinnuteqarsinnaavutit.
Ilitsersuut: Siumoortumik meeqqamut akilersuutinik imatut qinnuteqarsinnaavutit
1. Akilersuisussaq pillugu takussutissaq
Takussutissamik ilanngussissaatit, tassa akilersuisussaasoq pillugu takussutissaqassaaq. Soorlu ukuusinnaapput:
2. Meeqqamut akilersuutit pillugit bidragsresolution pigissavat
3. Bidragsresolution Kalaallit Nunaanni Sinniisoqarfimmiit imaluunniit ulloq 1. April 2024 sioqqullugu eqqartuussivimmiit pisaq.
4. Angajoqqaaqatit pillugu paasissutissaq
Paasissutissiissutigissavat kina meeqqamut akilersuisussaatitaanersoq
Angajoqqaap aappaa toqukkut qimaguppat
5. Toqusimasup uppernarsaasernera imaluunnit takussutissaq alla atorneqarsinnaasoq, tassani ersarissumik meeqqamut pilersuisuuneranik takutitsisoq.
Suliaq suli naammassineqanngippat
Meeqqamut akilersuisussaatitaanermut suliaq suli naammassineqanngippat, kisiannili illit piumasaqarsimaguit (soorlu ataatassarsiuussineq imaluunniit aappariinnermut tunngasumik suliaq suli ingerlappat) tassunga tunngasoq takussutissaq ilanngunneqassaaq.
6. Akiliuteqannginneranik ilisimatitsissut
Ilisimatitsissutigissavat piffissaq eqqorlugu meeqqamut akilersuutit akilerneqanngitsut (ullormi akiliiffissami)
7. Meeqqap najugaa pilersorneqarneralu
Ilisimatitsissutigissavat meeraq ilinni najugaqartoq. Meeraq ilinni najuganngippat meeqqamut pilersuisuunerit aallaavigalugu akiliuteqartarnerit takussutissaqartissavat. Taamaaliunngikkuit siumoortumik meeqqanut akilersuutinik tunineqarsinnaanngilatit.
8. Sinniisoqarfimmi imaluunniit ulloq 1. April 2024 sioqqullugu eqqartuussivimmi ataatassarsiuussinermik suliaq aallartissimasoq takussutissaqartissavat.
Kommuunimiit aalajangerneq naammaginngikkukku Isumaginninnermut naammagittaalliuteqartarfimmut maalaarisnnaavutit.