Suliniutissamik nalunaarutiginninneq: Aasianni piginneqatigiilluni inissiat arfineq pingasut pillugit suliniutissamut qinnuteqaat

Suliniutissamik nalunaarutiginninneq: Aasianni piginneqatigiilluni inissiat arfineq pingasut pillugit suliniutissamut qinnuteqaat

Kommune Qeqertalik matumani Kommunimut pilersaarut 2018-2030-mi Immikkuualuttoq 1000-A21, Pujooriarfiup Saqqaa Avannarleq, Aasianni piginneqatigilluni inissiat arfineq pingasut pillugit suliniutissamut qinnuteqaammik ussassaaruteqarpoq.

18. november 2022

Kommunalbestyrelse aalajangerpoq Aasianni piginneqatigiilluni inissianik arfineq pingasunik pilersitsinissaq pillugu suliniutissamut qinnuteqaammik nalunaarutiginnissallutik tunngaviusumik pilersaarusiorneq suliarineqartinnagu.

Nalunaaruteqarnermut piffissaq tassaavoq 18.11.2022 -mit 30.12.2022 tikillugu ilanngullugulu.
Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.

Suliniut ima imaqarpoq:

Kommune Qeqertalik KJ Greenland A/S-imit immikkuualutoq 1000-A21-2-mi immikkuualuttoq Pujooriarfiup Saqqaa Avannarlermi piginneqatigiilluni inissiat arfineq pingasut pillugit qinnuteqaammik tigusaqarpoq, inissianut atugassaasumi ammasutut isikkulinnik illuliornissamut aammalu akuttusuunik, pukkitsutut isikkulinnik illuliornissamut soorlu illunut affarleriiaanut sanaartornissamut siunertalinnut. Immikkuualuttumiipput ilaatigut akuttusuunik pukkitsunik illuliorfissat, affarleriiaanut aammalu umiatsianik kivitsiviit.
Nunaminertaq qinnutigineqartoq immikkualuttumi 1000-A21-2-mi piginneqatigiilluni inissianik arfineq pingasunik kissaateqarfiusumi inissisimavoq. Piginneqatigiilluni inissiat Pujooriarfiup naanerani inissinneqarnissaat kissaatigineqarpoq, illut affarleriiaat arfineq pingasut pioreersut illuata tungaani.

Suliniutissamut qinnuteqaat:

Suliniutissatut qinnuteqaatit allat

Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit. Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut  siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Qinnuteqaatinut allanut piumasaqaataavoq illunik affarleriiaanik siunertalimmik atorneqassasut.

Qinnuteqaatit tamarmik imarissavaat

• Inississimaffissatut pilersaarut, inissiiffiusumik annertussutsimillu qinnuteqarfiusumut takutitsisisoq (situationsplan i 1:2.000).
• Atuuffissatut paasissutissat sanaartukkallu inissiffissaa (bebyggelsesplan i 1:500).
• Nunap pissusaata titartarnera sanaartugassatut siunnersuutaasup nassuiaasersornera nunap/sumiiffiup ilusaanut sanaartungaareersunullu sanilliussisoq.
• Pilersaarut ersersitsinerlu, nassuarneqarluni atortut, qalipaatit, assigutitaartut annertussutsillu sanaartorniakkami.
• Initussutsimik takutitassiat sanaartukkap isikkuani takutitsisoq, annertussusaa avatangiisaanut sanilliullugu.
• Qaammaqqutit allagartalersuutissallu pisariaqartitaanerinik nassuiaat.
• Erigigisassaqassappat suliniutip qanoq inississimanissaanut nassuiaat.
• Suliniutip akilersinnaassusaanut suliniutaasaup nassuiaataa.
• Sanaartukkamut piffissaliussuussat pillugit paasissutissat.
• Aningaasaqarnermut paasissutissat uppernarsaatitut pisariaqartut qinnutigineqartup piviusunngortinnissaanut.
• Sanaartukkani annerusuni pissutsit allat kommunalbestyrelsep qinnuteqaammut nalilersuinerani apeqqutaasinnaasut, atuuffiusussap kommunep pilersaarutaanut naapertuunnersoq ilanngullugu erseqqissaatigineqassaaq.

Piffissarititaq aamma sanaartugassanut pilersaarut

Ulloq 18.11.2022-mit nunaminertap immikkoortuanut sanaartugassanut allanut siunnersuutit nassiunneqassapput.
Ulloq 30.12.2022 nal. 16:00 suliniutitut siunnersuutit oqaaseqaatillu tigunissaannut killingititaavoq.

Ilitsersuut

Siunnersuutit ilitsersuullu Inoqarfimmi suliassanut ataqatigiissaarisunut mailikkut saaffiginninnikkut pissarsiarineqarsinnaapput: plan@qeqertalik.gl