Qaammaaviup neqeroorutigai:
- Ikorfartuinissaq katsorsaanissarlu pillugit kommunip neqeroorutaanut ataatsimoorussamik ataasiinnarmik isertarfeqalernera innuttaasunut ikioqqullutik saaffiginnittunut oqilisaataavoq.
- Imminut ataqatigiinnerusumik sullissinikkut Toqqissisimaneq patajaassuserlu pilersinneqassapput, innuttaasut oqartussaaffinnut assigiinngitsorpassuarnut ornigutseqattaanngikkaluarlugit.
- Siunnerfilimmik ikiuigasuarneq, ajornartorsiutit annertusinnginnerini aaqqiivigineqarlutik.
- Pitsaassuseq qaffasinnerusoq sulianullu tunngasunik ilisimasaqassuseq, Qaammaaviummi katersormagit tarnikkut, perorsaanikkut katsorsaanikkullu tunngasutigut immikkut ilisimasallit, qanimullu imminnut suleqatigiissillugit.
- Pisortaqarfinnut tatiginninneq qaffasinnerusoq, pissutigalugu innuttaasut tusaaneqarlutik pisariaqartitaminnillu paasineqarlutik misigimmassuk.
Qaammaavimmi naatsorsuutigisinnaavarsi:
- Ilaqutariinnut tamanna isumaqarpoq, nukittunerusumik attaveqaateqarneq, inuunerissaarneruneq ajornartorsiutillu ikinnerusut. Pinaveersaartitsilluni suliniutit qulakkeerpaat, ilaqutariit atorfissaqartitaminnik ikorfartorneqarnissaat, ajornartorsiutit annertusiartuinnartinnagit.
- Inummut imminermut Qaammaavik toqqissisimaffissamik tunisisarpoq, inuttut ineriartornissamut, kingunerluutit, inuunermi aqqusaakkat oqimaatsut perorsaanerulluunniit tungaatigut ikorfartorneqarnissaq pillugit ikiortissarsiorfigineqarsinnaasoq.
- Inuiaqatigiinnut Qaammaavik peqqinnarnerusumik ataatsimoornermillu nukittunerulersitsivoq, inuunerissaarnermik pitsaanerusumik misigititsilluni.
Qaammaavik Qeqertalik
Tlf. 38 70 56
E-mail: Qaammaavik@qeqertalik.gl
Ammasumik, kinaassutsimik isertuussilluni Qaammavik-mi siunnersuisarneq.
"Uagut ikiortigaluta inuunerup unammillernartui atorlugit aqqutissat nassaariuk”
Kikkuuvugut?
Ammasumik kinaassutsimik isertuussilluni inunnut ataasiakkaanut, aappariinnut aamma ilaqutariinnut Qaammaavimmit tigussaasumik neqeroorutigaarput. Immikkoortortarput tarnip pissusaanik ilisimasalinnik aamma katsorsaasunik misilittagallit maaniipput illit unammilligassarnik tapersersornikarlutit kiisalu illit nammineq nukissatit atorlugit aaqqiissutissanik nassaarniarninni ikiorniarluit.
Neqerooruterput:
- Ataasiakkaanut siunnersuisarneq: Inuttut unammilligassat siunnerfilerniarneranni inuttut tapersersortaaneq.
- Aappariittut katsorsaaneq: Aappariinnissinnut atatillugu pitsaanerusumik attaveqaqatigiinneq.
- Ilaqutariinnut siunnersuineq: Ilaqutariit ataqatigiinnerat nukittorsaruk kiisalu unammilligassat ataatsimoorussamik aaqqillugit.
- Naatsumik siunnersuineq: Sukkasuumik innersuussutit atorlugit pinartumik ajornartorsiutit aaqqinniarlugit sulineq.
- Sivisuumik Katsorsartinneq: Unammilligassanut ajornartorsiornartunut itinerusumik tapersersuineq aamma katsorsaaneq.
Uagut suleriuserput:
Immikkut aallussinerput uaniippoq illit unammilligassatit nammineerlutit qaangerniassagukkit sakussatit aamma periusissat ilinnut tunniutissallugit. Paaseqatigiinneq, inuit allat eqqarsartaasiannut inissineq kiisalu suliassaqarfimmi ilisimasat atorlugit atugarissaarnerunissannut ingerlaarnerni tapersersornissat pingaartipparput.
Attavigitigut:
Qaammaavimmut pulaartigut imaluunniit uani oqarasuammi attavigitigut. 38 70 56 immaqaluunniit uunga allallutit: qaammaavik@qeqertalik.gl piffisssamik inniminniiniarlutit. Eqaamalluigu siunnersuinerput ammasumik kinaasutsimik isertuussilluni pisussaammat.
Pingasunngornerit tamaasa nal. 13.00-15.00
Qaammatit tamaasa marlunngorneq siulleq nal. 17.00 – 19.00
4 februar 2025 4 marts 2025
1 april 2025 6 maj 2025
3 juni 2025
Perorsaanikkut tarnikkullu siunnersuineq (PPR)
Qaammaaviup neqeroorutigaa Kommune Qeqertalimmi perorsaanikkut aamma tarnikkut siunnersuineq, atuarfinnut, ulluunerani neqeroorutinut aamma angajoqqaanut, meeqqat 0-18 akornanni ukiullit pillugit.
Matumani meeqqat inuunerissaarnissaat, ineriartornerat ilikkagaqariartornerallu pillugit siunnersuineq neqeroorutigineqarpoq.
Angajoqqaat periarfissaqarput meeqqamik inuunerissaarnerat pillugu siunnersorneqarnissamut neqerooruteqarfigineqarnissamik.
Angajoqqaatut nammineq periarfissaqarpusi isumaqatigiissusiornissamut imaluunniit matuma ataani immersugassaq immersorlugu:
- Innersuussineq
Angajoqqaat una immersussavaat. Matuma ataani pingaaruteqarpoq meeraq sunik unammilligassaqarnersoq ersarissassallugu.
Meerarsi ulluunerani neqeroorummiittarpat, taava immersugassaq ima atilik immersussavarsi: Qaammaavimmi misissortinnissamut innersuussinermi immersugassaq - Ulluunerani neqeroorut
Meerarsi atuarfimmi atuartuuppat, taava immersugassaq ima atilik immersussavarsi: Qaammaavimmi misissortinnissamut innersuussinermi immersugassaq - Atuarfik
- Akuersinermik nalunaarut
Meeqqamut angajoqqaatut oqartussaassusilittut angajoqqaat akuersinerminnik nalunaaruteqarlutik atsiortinnagit Qaammaavimmi suliassaq aallartinneqarsinnaanngilaq.
Angajoqqaatut uunga saaffiginnissinnaavusi Qaammaavik@qeqertalik.gl imaluunniit 38 70 56 -imut sianerlusi isumaqatigiissuteqarsinnaavusi.
