MISI Qeqertalik tassaavoq meeqqanut inuusuttunullu 0-iniik 18-inut ukiulinnut siunnersuisarfik. MISI-miipput perorsaanermik- aammalu tarnip pissusaanik immikkut ilisimasallit. Angajoqqaanik, meeqqanut akisussaasuusunik, ilinniartitsisunik, perorsaasutut sulisunik aammalu meeqqanik inuu-suttuaqqanillu sullitaqartunik suleqateqartarpugut. Kalaallisut, qallunaatut aammalu tuluttut oqaatsit atorlugit saaffiginnittoqarsinnaavoq. Uku saaffiginninnermi toqqammaviusinnaapput, meeqqat inuusuttullu unamminartorsiutigisaat:
- Atukkatigut
Immaqa nalaappat meeraq nikallugasoq, kiserliortoq, qinngasaarneqartartoq imaluunniit qanigisamik annaasaqarsimaneq pissutigalugu aliasuttoq imaluunniit angajoqqaat avinnerat.
- Ileqqulersuutit
Immaqa nalaappat meeraq piumasaqaatinut killissanullu ajornakusoortitsisoq, meeraq kamarujussuartartoq allatulluunniit pissusilersornermigut unamminartorsiortoq.
- Inooqataaneq
Immaqa nalaappat meeraq meeraqamminik allamik peqateqarnissaminut imaluunniit ikinngutitaarnissaminut unamminartorsiortoq. Aamma perorsaanerup tungaasigut, angajoqqaap meeqqallu ataqatigiinneratigut, killiliisinnaanikkut, allatigulluunniit unamminartorsiutaasinnaapput.
- Ineriartorneq
Immaqa nalaappat meeraq ukioqatiminut sanilliullugu ineriartornermigut kingusinnerusoq. Assersuutigalugu meeraq oqaatsimigut, aalaatsimigut imaluunniit ilikkarniarnermigulluunniit ajornartorsiortoq.
MISI Qeqertalimmut takkutiinnarluni ammasumik siunnersorneqarneq periarfissaavoq, sisamanngornerit tamaasa nal. 13.00-imiik 15.00-illu iluani.
"Uagutsinnut MISI Qeqertalimmiittunut pingaaruteqarpoq saaffiginnittut toqqissisimaneq, ataqqineqarneq, tikilluaqqusaanerlu saaffiginninnerminni misigissagaat"
MISI Qeqertalik ulluinnarni ammasarpoq ataasinngornermiik tallimanngorneq ilanngullugu nal. 09.00-imiik 15.00-ip iluani. Nammineq ornigulluni saaffiginnittoqarsinnaavoq piffissap taaneqartup iluani, imaluunniit ataani attaveqarfissat allassimasut aqqutigalugit saaffiginnitoqarsinnaalluni.
MISI Qeqertalik
Frederik Lyngesvej 19
3950 Aasiaat
Oqarasuaat: 38 73 17
E-mail: MISI@qeqertalik.gl