Ulloq 04.10.2022
Kommunalbestyrelse aalajangerpoq Hotel SØMAp allilineqarnissaa pillugu aamma Aasianni akunnittarfinnut sullissinermullu siunertalinnut sanaartorfissanut atorneqartussanut suliniuteqarnissamut qinnuteqaammik nalunaarutiginnissallutik tunngaviusumik pilersaarusiorneq suliarineqartinnagu.
Nalunaaruteqarnermut piffissaq tassaavoq 04.10.2022 -mit 15.11.2022 tikillugu ilanngullugulu.
Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.
Suliniut ima imaqarpoq:
Kommune Qeqertalik Hotel SØMAmit Hotel SØMAp allilineqarnissaanut sanaartugassanut atugassamik qinnuteqaammik tigusaqarpoq aamma immikkuualuttumi 1000-C12-mi sullissinermi sanaartugassanut, Samminarneq qitiusumik sullissinermut unnuisunut neriartortunullu kiisalu ataatsimeersuarnermut ininut atorneqartussanut pilersitsinermut atorneqartussaq.
Immikkoortumi ilaatigut Hotel SØMA-mi pingaarnertut illutaa, SØMA-pingaarnertut illutaanut ilanngussaq aammalu sissami sanaartukkanut.
Hotel SØMA-p pingaarnertut illutaanik alliliinissamut sanaartorfissanik aammalu sullissinerup iluani suliassanut allanut sanaartorfissanik allanik atugassiinissaq kissaatigineqarpoq. Kissaatigineqartutut alliliisoqassappat, Katsiaap Aqquserna nuunneqassaaq, qinnuteqartup aningaasaliineratigut.
Suliniutissamut qinnuteqaat:
Suliniurtissatut qinnuteqaatit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminertap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit. Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Suliniutissanut allanut piumasaqaataavoq sullissinermut atorneqassasut.
Qinnuteqaatit tamarmik imarissavaat
- Inississimaffissatut pilersaarut, inissiiffiusumik annertussutsimillu qinnuteqarfiusumut takutitsisisoq (situationsplan i 1:2.000).
- Atuuffissatut paasissutissat sanaartukkallu inissiffissaa (bebyggelsesplan i 1:500).
- Nunap pissusaata titartarnera sanaartugassatut siunnersuutaasup nassuiaasersornera nunap/sumiiffiup ilusaanut sanaartungaareersunullu sanilliussisoq.
- Pilersaarut ersersitsinerlu, nassuarneqarluni atortut, qalipaatit, assigutitaartut annertussutsillu sanaartorniakkami.
- Initussutsimik takutitassiat sanaartukkap isikkuani takutitsisoq, annertussusaa avatangiisaanut sanilliullugu.
- Qaammaqqutit allagartalersuutissallu pisariaqartitaanerinik nassuiaat.
- Erigigisassaqassappat suliniutip qanoq inississimanissaanut nassuiaat.
- Suliniutip akilersinnaassusaanut suliniutaasaup nassuiaataa.
- Sanaartukkamut piffissaliussuussat pillugit paasissutissat.
- Aningaasaqarnermut paasissutissat uppernarsaatitut pisariaqartut qinnutigineqartup piviusunngortinnissaanut.
- Sanaartukkani annerusuni pissutsit allat kommunalbestyrelsep qinnuteqaammut nalilersuinerani apeqqutaasinnaasut, atuuffiusussap kommunep pilersaarutaanut naapertuunnersoq ilanngullugu erseqqissaatigineqassaaq.
Piffissarititaq aamma sanaartugassanut pilersaarut
Ulloq 04.10.2022-mit nunaminertap immikkoortuanut sanaartugassanut allanut siunnersuutit nassiunneqassapput.
Ulloq 15.11.2022 nal. 16:00 suliniutitut siunnersuutit oqaaseqaatillu tigunissaannut killigititaavoq.
Ilitsersuut
Siunnersuutit ilitsersuullu Inoqarfimmi suliassanut ataqatigiissaarisunut mailikkut saaffiginninnikkut pissarsiarineqarsinnaapput: plan@qeqertalik.gl