Aasianni, Qeqertarsuarmi, Qasigiannguani katersugaasiviit ulluanni ullutsinni assuutit kalaallisuut pingaartinneqarnerat sammineqassaaq, katersugaasivinnut ornigullutit kalaallisuut pillugit oqalliseqataagit.

3. november 2021

Itsarsuaaniilli inuit amernik atisalersortarsimapput, ammit ninngusuujupput oqorlutillu.
Arnat angutillu atisaat amernit soorlu qarliit kamiillu ilisserneri assigiinngissuteqarlutik naleqqussagaasarsimapput arnanut angutinullu, issittumullu naleqqussagaalluartarlutik.

Kalaallit piniakkaminnit ammit pissarsiatik suliarilluartarpaat sumut atugassaaneri apeqqutaatillugit, ninngussusaat qanorlu atorneqarnissaat, kiisalu suup uumasup amerineraa apeqqutaatittarlugit. Kulturitta attassisuisa ilagilluinnarpaat arnat angutillu kalaallisuui, taamaattumik Kommune Qeqertalimmi katersugaasivinniit soqutiginartinneqarpoq inuiaat Kalaallit ullutsinni pingaartitaminnik qanoq eqqarsartariaatsikkut nikissimatiginersut alaatsinaassallugit qangamut sanilliullugu.

Oqaluuserisaqarnissamut qulequtaliunneqarpoq:
Isummat nutaat killissarlu.

Ullutsinni kalaallisuut tammatsaaliornissaat pillugu qanoq iliussaagut?

Aammattaaq Nunatta Katersugaasiviani Nunatta Katersugaasiviani katersugaasivilerisup Aviâja Rosing Jacobsen-ip suliarisimasaa nunatsinni arnat assuutaasa oqaluttuassartai, assigiinngissusaalu saqqummiunneqassapput.

Sapaat 7. Oktober 2021 nalunaaqutaq 13:00 – 16:00 akornanni Aasiaat Katersugaasivianukarlutit, Qeqertarsuup Katersugaasivianukarlutit, Qasigiannguit Katersugaasivianukarlutit Kalaallit assuutaat pillugit oqalliseqataajartorit.

Katersugaasiviit ulluanni pilersaarutit:

Sapaat 7. november 2021 nal. 13-16

Qeqertarsuup katersugaasiviani pilersaarut:
Saqqummersitat takuniarneqarsinnaapput, tikilluaqqusisoqarluni oqalugiartoqassaaq.

Digitalikkut saqqummiunneqassapput:

Nunatta Katersugaasiviani katersugaasivilerisup Aviâja Rosing Jacobsen -ip suliarisimasaa arnat assuutaat nunatsinni oqaluttuassartai, assigiinngissusaallu.
Qeqertarsuarmiut Norgemut ammerineq pillugu pikkorissaajartorsimasut saqqummiussissapput.
Qeqertarsuarmi innuttaasut assuutiminnik takutitsissapput

Digitalikkut saqqummiussinerit pereerpata Qeqertarsuarmi innuttaasut Kalaallisut assuutiminnik takutitsissapput.

Saqqummiinerit piareerpara eqimattakkaarluni oqaloqatigiinnerit ingerlanneqassapput. Kingorna Sunngiffimmi pisortaq Simigaq Heilmann, Hilda & Gurna Zeeb saqqummiissapput.

Katersugaasivimmi sulisut Laarseeraq Berthelsen aamma Linda G Ostermann. naapinneqarsinnaassapput.

Linda G. Ostermann- Qeqertarsuarmi Katersugaasiviup pisortaa.

“Ukiumoortumik katersugaasiviup sammisassatut pilersaarutaani toqqarsimasarput: Kalaallit assuutaat, kalaallisuut, maanna kommunitsinni katersugaasivinni tamani samminiarlutigu aalajangiukkatsigu nuannaarutigeqaarput, taamaalilluta innuttaasut assuutit pillugit isummersuutaat katersorlugit alaatsinaassinnaalissagatsigit.”- Taama oqaaseqarpoq Qeqertarsuarmi Katersugaasiviup pisortaa Linda G. Ostermann.

Aasiaat Katersugaasivianni pilersaarut:

Nunatta Katersugaasiviani Nunatta Katersugaasiviani katersugaasivilerisup Aviâja Rosing Jakobsen-ip kalaallisuut pillugit digitalimik saqqummiussassatut suliaa isiginnaarneqarsinnaassaaq.
Aasiaat Katersugaasiviata nammineq katersaataanit kalaallisuunik saqqummersitanit takuniaasoqarsinnaassaaq.
Aasiaat katersugaasiviani uumasut ajoqutaasinnaasut, katersat ammit qanoq innarlerneqarsimaneri takuniarneqarsinnaassapput. Taakkununnga paasissutissat saqqummiunneqassapput, apeqqutissaqaraannilu aperisoqarsinnaajumaarpoq.
Arnat assuutaat ”muteernit” assitut saqqummiunneqassapput.
Isertut periarfissaqassapput isummatik allannikkut saqqummiunnissaannut.
Kaffi, Tii kaageeqqallu isertunut sassaalliutaajumaarput.

"Sapaatiuppat Aasiaat katersugaasiviani sulisuusugut saqqummersitsinermut atatillugu suliarisartakkagut pillugit, katersugaasivillu pillugu  naapilluta oqaloqatigitigut, qilanaarpugut innuttaasunik naapitsinissatsinnut: “ -Taama  oqaaseqarpoq Aasiaat Katersugaasiviani pisortaq Panìnguak G. Rafaelsen.

Panìnguak G. Rafaelsen - Aasianni Katersugaasiviup pisortaa.

Qasigiannguit Katersugaasivianni pilersaarut:

Qasigiannguani katersugaasivimmi arnat kalaallisuuisa saqqummersinnerneri sivitsorneqarpoq, nutaanik pissanganartunik kalaallisuut ilaannik soorlu ujamminik kaminnillu ilallugit.
Aammattaaq najukkami arnap eqqumiitsuliortup suliai kalaallit kamiinit isumassarsiat takutinneqassapput.

Qasigiannguani Katersugaasiviuip saqqummersitassaasa ilaasa assigi

Tikilluaqqusereernermi kaffeqassaaq teeqarlunilu, takutissavarpullu digitalikkut saqqummiussaq "Arnap assuutai" Nunatta Katersugaasiviat Allagaateqarfianilu katersugaasivilerisup Aviaja Rosing Jakobsen suliai.

Taassuma kingorna qulequtalerluni “Isummat nutaat killissarlu” oqallittoqassaaq.

Katersugaasivik ukioq 2021 tamaat arnat kalaallisuuisa ineriartornerannik qitiutitsivoq - ilanngullugu amaatit qangarnisaanerusut ilaarlugit mersukkat.

Amaat arnallu kitaani atisaasa ilai ilisimaneqarluartut katersugaasiviup sulliviani B-18-imi sapaammi ualikkut novembarip 7-iani misilikkiartorneqarsinnaapput - novembarimilu marlunngornerit tamaasa unnukkut ammanerata nalaani nal. 19-21.

Katersugaasiviit uluanni aggialluarisi

Kommune Qeqertalimmi katersugaasiviit pisortai: LInda G. Ostermann, Anne Mette Olsvig, Panìnguak G. Rafaesen & Tusagassiivik: Daana R. Geisler