Portøritut annaassiniartartutut peqqissaavinni napparsimmavinnilu- uninngasunittaaq tungiuinermik suliaqarlutit- portøritut sulisinnaavutit
Portøri annaassiniartartoq sulerisarpa?
Tamatuma saniatigut portørit annaassiniartartut napparsimasunik angallassisarput ambulance-millu ingerlatsisuusarlutik. Taamaammat inuup inuuneranik annaassiniarluni ikiueqqaarneq ilinniarnerup ilagaa pingaarutilik.
Portøritut annaassiniartartutut ilinniartitaaneq sap. ak. 22-inik (qaammatit tallimat miss.) sivisussuseqartoq sap. ak. sisamani atuagarsornermik tamatumalu kingorna sap. ak. arfinilinni sulinermik sungiusarnermik immikkoortortaqarpoq. Tamatuma kingorna sap.ak. sisamat atuagarsoqqinnermik sapaatillu akunneri arfinillit sulinermik sungiusarnermik malitseqassaaq. Ilinniarneq sap. ak. marlunni atuagarsornermik soraarsummeernermillu naggaserneqassaaq.
Atuargarsorneq Nuummi Peqqissaanermik Ilinniarfimmi ingerlanneqassaaq.
• Sulinermik sungiusarnissamut akuerineqarneq/ilinniartunngornissamut isumaqatigiissusiorsimaneq
• Meeqqat atuarfiannit soraarummeernermi qallunaatut kalaallisullu oqaasilerinermi minnerpaamik karakteerimik D-mik angusisimanissaq kiisalu kisitsisilerinermi matematikkimilu karakteerimik E-mik angusisimanissaq
• Biilernermut allagartaqarnissaq
• Pinerluuteqarsimannginnermut uppernarsaateqarnissaq
• Tunngaviusumik issittumi ikiueqqaarnermut pikkorissarsimanissaq
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.
Ilinniarnermik aallartiffik
Ilinniagaq ingerlaavartumik aallartittarpoq
Neqeroortoq
Peqqissaanermik Ilinniarfik (PI)
Aningaasaqarneq
Sulisitsisunniit akissarsiaqassaatit, tamanna pissutigalugu ilinniarnersiutinik imaluunniit ilinniartut akissarsiaanik pisinnaanngilatit.
Suliffimmik misiliinermi pissutsit
Suliffimmik misiliiffissamik aallartitsinnak nassaarsimassaatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 3 inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa. Atuaqqinnerugit. Ingerlaqqiffiusumik inersimasunik ilinniartitaanermi piginaasat qaffasissusaat
Siunissami periarfissat/ Suliffiusinnaasut
ilinniarnermik naammassereeruit ukunani atorfininniarsinnaavutit ulluunerani paaqqinnittarfiit aamma ulloq unnuarlu paaqqinniarfiit.Ilinniakkavit ilinniaqqinissannut ilinniagassanut qaffasinnerusunut periarfissiissaaq.
Ilinniarnermik aaqqissuussineq
Uani atuagaaraq aasinnaavat: https://pi.sps.gl/ka/ilinniakkat/siunnersuinermi-ikiortitut-ilinniagaq/
Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.