Februar 2023-mi Kommunalbestyrelsi aalajangerpoq aqutsinermi ileqqoreqqusaq allanngortinniarlugu. Suliassat toqqarneqarsimasut Timi Tarnip ataani inunnik isiginnittariaatsimut tunngasut pinaveersaartitsinermi immikkut ittumik isiginiarneqarsimapput. Tamanna iluatsissimavoq sinneqartoorutillu takuneqarsinnaasut 7.1 mio. kr.-upput kiisalu Aningaaserivimmi tigoriaannaat 59.7 mio kr.-iullutik.
Akileraarutinit isertitat aamma tapiissutit malunnaatilimmik qaffariarput kiisalu aningaasaqarnikkut patajaatsumik tunngaveqalernermut ilasaataasimallutik. Taamaammat nukissatsinnik pitsanngorsaaqqinnissarput aalajangiisuunerpaavoq, aamma immikkoortortaqarfiit ataatsimiititaliallu akornanni suleqatigiinneq nukittorsarnissaa.
Kommune Qeqertalik sukangasuumik aningaasaqarnikkut suli ingerlatsigallassaaq. 2024-mi akit qaffakkaluttuinnarfianni Kommune Qeqertalik akileraarut 2 %-mik apparpaa, qularnanngitsumik ilaqutariippassuit aningaasaqarnerannut iluaqutaasumik. Aalajangiisuulluinnarpoq aningaasaqarnerup pitsaasuunissaa taamaalilluni piffinni ajornartorsiorfiusumi sillimmateqartoqassalluni. Tassunga atatillugu immikkoortortaqarfiit assigiinngitsut aamma kommunimi ataatsimiititaliat suleqatigiinnerat nukittorsarneqarpoq.
2025-mi qinersinissaq sioqqullugu Kommunalbestyrelsip innuttaasut pisariaqartitaat nangilluni immikkut aallutarissavai, kiisalu innuttaasunik sullissinermi tarnikkut pisariaqartitat aamma immikkut ittumik aallutaralugit. Tamanna ukunani takuneqarsinnaavoq
• Qaammaavik, kommunimi ataatsimoorussamik katsorsaanermik neqeroorutai:
• Angutivik, angutit eqqarsartaatsimikkut peqqissusaat,
• Inoqatikka, meeqqanut aamma inuusuttunut atorfillit nammineq pissusilersuutinik allallu pissusilersuutaannik paasinnissinnaanerisa - piginnaasaannik ineriartortitsineq.
Ukiumoortumik nalunaarusiaq kommunalbestyrelsimit akuerineqarnikuuvoq.
Aammattaaq kommunimi sulisunut, suleqatigisanut kiisalu innuttaasunut suliniuteqarnermut peqataalluarnerannut Kommunalbestyrelsi qujavoq.