Aasianni teknikkitigut tunngaviusumik nunap assingani nutarterinissamut atatillugu Asiaq Aasianni pilersaarusiorneqarsimavoq. Aasianni paasissutissanik katersineq illoqarfiup qulaanit drone atorlugu assiliinikkut ulluni arlalinni ingerlanneqassaaq – assiliinerli taamaallaat pissaaq timmisartutigut angallassisoqannginnerisa nalaani.
Drone atorlugu assilisat nunap assingini “silaannarmit assilisat – katersat” atorneqassapput, taakkulu qutsissutsinut taavalu teknikkitigut nunap assinginut atorneqassallutik. Nunap assingi 2023-p
2024-llu ingerlanerani saqqummersinneqassapput, innuttaasunillu tamanit akeqanngitsumik atorneqarsinnaasassallutik, uani takuneqarsinnaassapput kortvisning.asiaq.gl
Nunap assiliornissamut paasissutissanik katersinerup saniatigut Asiamit Kalaallit Nunaanni innuttaasunut iluaqutaasussanik allanik suliassanik minnerusunik suliaqassapput.
Arlaannik apeqqutissaqassaguit Asiami sulisut Aasianniinnerini aperisinnaavatit, immaqaluunniit Asiamut allassinnaavutit uunga asiaq@asiaq.gl