Meeqqanut Qasigiannguani ulluni 27. -28. februar 2023 neqerooruteqarpoq arlariinnik, ukiuunerani atuanngiffimmi.
Ullaap tungaanni amernik errorsinerit innernerillu, katersugaasiviup sannaviani B18-mi sammineqarput.
Ualikkuinili neqeroorutigineqarput apuserinerit apummillu ilusilersuinerit minnerusut, apummik milluunnerit sisorarnerillu puisip amianik sisoraaserluni ataasinngornerani marlunngorneranilu pisissaarnerit kalaallillu pinnguaatitoqaannik pinnguarnerit, timersortarfimmi. Atuakkanillu Atorniartarfimmi pappilissanik qiortaanerit ingerlanneqartussaallutik.
Sammisassaqartitsinerit ornigarneqarluarput.
Sammisassaqartitsinerit Timi Tarnip immikkoortortaanniit piareersarneqarput, aaqqissuisullu silameeqataaneq peqataaffigilluarpaat, pinngorartitsinerit suliaqarnerit kulturikkullu kingornussat ukiup ingerlanerani qulequttap ”Illoqarfiga nakuussutiga” ataaniittuullutik ataaniittuusassallutillu. Illoqarfipput, pinngortitarput kulturerput ileqquvullu sakkussaasunik qinigassaaleqititsinngillat, assersuut apummik ilusilersuinerit pappilissanillu qiortaanissat ileqqutoqqavut nakussasserpaat ilusilersuinermi ilutsinillu qiortaanerni agguinernilu.
Eqqaaneqakkajuttumi, atortorissaarutinik teknologi-neersuniit meeqqat atuinerat, ineriartortitsisinnaasartoq ilorraap tungerinngisaanut, tassa killuanut – uani meeqqat isaat taaneqarsinnaapput, meeqqap isaa ungasissumut isigiarsukkiartulersinnaasoq.
Silami sammisaqartitsinermi meeqqat taamaalillutik isitik ungasissumut isiginiarnerminnut nukittorsarsinnaalluartuummatikkit.
Ukiuunerani neqeroorutit piareersaatigineqartut immikkut aningaasartorfiusuunngillat pioreersummi pigineqareersut atorneqarmata sammisasssaqartitsinermi aammalu sulisut suliffianni sammisaqartitsinerit ingerlanneqarput. Peqatigiiffik AARNUAT sammisassat ataasiakkaani tapersiillutik ikiuupput.
Ass.: Sofie Didriksen, 2023