Aasianni entreprenør pladsimi aqutsisoq Ejner Davidsen oqaluttuarpoq: - Eqqagassat katersorlugit poortornerini umiarsuarmullu assartornerini iluatsitsilluarnerput pissuteqarpoq aqutsilluarnermik aammalu misilittakkat pitsaasut atorlugit ilitserluarneqaramik. Una iluatsilluartumik sulinerput tulliani aamma atorluarneqassaaq, kisianni aamma imaassinnaavoq allamik suleriaatsimik nassaartugut, takussuarput. Sulisut suliamik naammassinnilluarmata tamaasa nersualaarpakka, tamannalu tigulluarpaat tullissaanullu qilanaalereerput. Taama oqaluttuarpoq entreprenør pladsimi aqutsioq Ejner Davidsen.
Ikuallaavimmi driftlederi Viili Hansen ima oqaluttuarpoq: - Sulinerput iluatsilluarpoq eqqakkat aserorteriarlugit, ikuallaaviup eqqanut iliorarneqaramik umiarsuup tikinnissaanut piareersarlugit. Tassa imaappoq: Pilersaarusiorluarnerup kinguneraa iluatsilluartumik suligatta. Umiarsuup tulliata tikinnissaanut nunaqarfinneersut eqqakkat maannaateriarlugit aserorterivikkoorteriarlugit poortortarnissaat soorluuna pilersaarutaasoq. Taamatut sulinerput sulisunut ajunngeqaaq, aamma minnerunngitsumik qaangiuttoornernik tuniseriaratta qiimmaallaataavoq. Aamma eqqaasinnaavara eqqakkanik poortuutit, nimertuutillu assorsuaq akittorput Europami sorsunneq pissutaalluni. Poortuiinnaavittussaagattami poortuutissanik inniminneeqqittariaqassuugut. Taama naggasiivoq Viili Hansen Aasianni ikuallaavimmi ittuusoq.
Allaffimmi sulisut aamma ikiuupput
- Kommunip allaffiani sulisut eqqaavissuarmi immikkoortiterinermi akunnerni pingasuni suleqataasinnaanissaanut periarfissaqartitsisimavugut sapinngisamik eqqakkat amerlanerpaat nassiukkusukkatsigit. Taamatullu aamma takutikkusullugu aqutsisoqarfinniit eqqaaveqarneq isiginiarneqartoq. Taamaattumik områdelederit marluk, områdelederiungallartussaq, Majoriami aqutsisoq, illorsuarmi pedeli aammalu Bychefi ikiuunnikuupput immikkoortiterillutik poortuillutillu.
Sulisoqassutsikkut tamakkeqqapput, taamaattumik amigaateqartoqanngilaq. Taamaattoq assaat amerlanerusut, amerlanerusunik sulianik naammassinnissinnaammata ikiuuppugut. Taama oqarpoq Kangaatsiami bychef Nikkulaannguaq Brandt.
Nunatsinni eqqaariaaseq nunani allanitulli inngimmat eqqaavimmi immikkoortiterineq katiterinerlu nukinnik atuiffiungaatsiartoq ilikkarneqarpoq, suliarlu imminermini imaannaanngereertoq.
Nikkulaannguullu eqqavimmi sulisut assut nersualaarpai eqqakkat 140-170 tons – tassa poorsuit 400-500-t poortorlugit umiarsuarmut assartorneqarmata nassiullugillu.
Eqqaavilerisut
Kommune Qeqertalimmit kaffisoriaqqusaasut
North Vikingimi Naalakkap borgmester Ane Hansen oqaloqatigigaa
Eqqaavilerisut
Umiarsuaq ESANI A/S-imit pigineqartoq North Viking
Borgmester Ane Hansen & Kommunaldirektør Nivi Strunz
Eqqakkat umiarsuarmut issorarneqarput
