Aasianni Norsaq HC-mi assammik arsartartutut ineriartorsimasoq massakkut nunanut allanut unammisartutut U-20-ni toqqagaavoq. Tamanna pillugu nunanut allanut unammisartunut sungiusaasuusoq Muusaarannguaq Ostermann Søholm ima oqarpoq:
- Aappi, ilumoorpoq Aqqalu Nuka Jakobsen U-20 nunanut allanut unammisartunut toqqagaavoq, VM-imut anngunniukkiarnissamut Mexicomut.
Mexico tungaanut nunatsinniit aallassapput 8. december.
Aqqalu Nuka ineriartornera assammik arsartartutut maluginiarsimavarput, kiisalu aallutiinnaruniuk sukataarullugu suli pikkorinnerulersinnaanera takusinnaallutigu.
