Ukioq 2023-mut missingersuutip Kommune Qeqertalimmi akuerineqarluni atsiorneqarpoq.
Ilaatigut makku akuersissutigineqarlutik:
- Ikamiuni Attumilu meeqqat atuarfiisa nutaangorneqarnissaanut suliaq aallartissasoq.
- Qeqertarsuarmi meeqqeriviup nutaap suliniutigineqarnissaanut sanaartortoqarnissaanullu pilersaarusiorneq aallartissasoq.
- Meeqqanik inuusuttunillu sungiffimmi pitsangorsaanerit sulissutigineqassasut.
Nunaqarfinni meeqqanut tunngassutigut suliassaqarfinni sanaartornissaq salliutinneqassasoq isumaqatigiissutaavoq, taamaattumillu illut multifunktionshuse-nik taaneqartut kommunimi innuttaasunut sullissivinni sullissinissamik neqeroorutigineqarsinnaaneri misissorneqassapput.
Tamatuma saniatigut upernaamut periusissiat ingerlanneqarlutik pilersaarusiornissaat pilersaarutaavoq, aasaanerani avatangiisit aamma imminut napatittumik sammisassat qulequtaralugit kiisalu 2023-ip ukiaanerani meeqqanut politikki ineriartortinneqarnera eqqartorlugu.
Tamakkuupput ilaatigut Kommune Qeqertalimmi ukiup tulliani 2023-mi missingersuutip akuerineqarneranut ilaatinneqartut.
Borgmester Ane Hansen ima oqarpoq: - Tassa oqaloqatigiinnerup pimoorussilluni nammassiniaanerit atsioqatigiinnermik kinguneqarpoq. Nuanneqaaq tamatta akuersaarluta atsioqatigiikkatta.
