Pingasunngornermi 28. september 2022 nalunaarfigineqarpugut Qasigiannguit Kommuniugallarmat kommunaldirektøriusimasoq Karl Schytz Aalborgimi toqukkut qimagussimasoq.
Karl Schytz Qasigiannguit Kommuniusimasumi aningaasaqarnermut pisortaasimavoq piffissami 1. januar 1986-imiit 30. november 2003 tungaanut. Karl Schytz Qasigiannguit Kommuniugallarmat 1979-imiilli sulisimavoq.
Karl Schytz kommunaldirektøritut piffissami 1. december 2003-miit 1. december 2009 tungaanut kommunaldirektøritut atorfeqarpoq.
Karl Schytz Eva Olsvig Schytzilu 16. juli 1983 katipput. Aappariit pingasunik meeraqarput pingasunillu ernutaqarlutik.
Karl Schytzip Qasigiannguit uummateqarfigiuarsimavaa, aamma 2009-mi ilaquttani ilagalugit Qasigiannguaniit nuunnermi kingorna.
Sivisuumik napparsimareerluni Karl Schytz pingasunngornermi 28. september 2022 Aalborgimi toqukkut qimaguppoq.
Matumuuna qamannga pisumik Kaalip nulianut Evamut, meeraanut ernutaanullu misiginneqataanerput anngukkusupparput.
Kommune Qeqertalik sinnerlugu,
Ane Hansen
Borgmester