Qalipaasorsuup Per Kirkebyp qalipagarsui Aasiaat Katersortarfianiittut ukiut 55-t nivingasimapput.
Per Kirkeby qalipakkat nivinngarneqarneraniit siullerpaamik nammineq Aasiannukarluni qalipakkat asiunaveersarniarlugit suliariartortussaanikuusimagaluarpai, napparsimalermalli ikinngutaata neriorsorsimavaa suliarissallugit. Tamannalu sapaatip-akunnerini kingullerni pingasuni pivoq.
Neriorsuisuusimavorlu Teit Jørgensen, taassuma ikinngutini eqqumiitsuliortut allat tallimat suleqatigalugit eqqumiitsulianik asiunaveersaanermik suliaq aallartippaat. Tamannali aamma aningaasarpassuarnik naleqarpoq. Taamaattumillu borgemster Ane Hansen Qeqertalik Kommune sinnerlugu aningaasaateqarfippassuarnut qinnuteqartoqassatillugu tapersersuinissamik suliniuteqartut atsioqatigai:
- Ulloq septembarip 3-ni 2019 anguniakkamik siunniusseqatigiilluta atsioqatigiikkatta, katersortarfiup siulersuisui atsioqatigaakka, taamani aamma najuupput ataatsimiititaliaq Timi Tarni, Aqqaluk Lynge aammalu Teit Jørgensen, borgmester Ane Hansen oqaluttuarpoqQalipakkanik asiunaveersaaneq suliariniassallugu aningaasarpassuit katersorneqarsimapput, tassa 900 tusind koruunit katersonreqarsimagamik. Aningaasat katersorneqartut asiunaveersaatinut atortussanut, inunnut tallimanut angalanermut, najugaqarnermut nerisaqarnermullu atorneqarput
Qalipakkanik asiunaveersaaneq suliariniassallugu aningaasarpassuit katersorneqarsimapput, tassa 900 tusind koruunit katersoneqarsimagamik. Aningaasat katersorneqartut asiunaveersaatinut atortussanut, inunnut tallimanut angalanermut, najugaqarnermut nerisaqarnermullu atorneqarput.
Ludvig Johansen qalipagarsuarnillu asiunaveersaallutik suliaqartut.
Assiliisoq: Daana Geisler-Amassen
Aqqaluk Lynge aamma Teit Jørgensen filmiliaminnik takutitsiartornertik iluatsillugu borgmesterip allaffianut pulaarput.
Filmiliaat ateqarpoq "Naalakkersuisut oqarput tassagooq"
