Kommune Qeqertalimmi Utoqqaat siunnersuisoqatigiivinut Ileqqoreqqusat pillugit tamanut tusarniaaneq
Kommune Qeqertalimmi Utoqqaat siunnersuisoqatigiivinut Ileqqoreqqusanut siunnersuut matumuuna Kommune Qeqertalimmit tamanut tusarniaassutigineqarpoq.
Nassuiaat:
Kommune Qeqertalimmi Utoqqaat siunnersuisoqatigiivinut ileqqoreqqusanut nutaanut siunnersuutigineqarpoq utoqqaat siunnersuisoqatigiivi kommunimi tamarmi ataatsimuulissasut illoqarfinni tamani innarluutilinnut nutaamik siunnersuisoqatigiinnut ataasiakkaanut taarsiullugu. Peqatigitillugu ilaasortat katiterneri allanngorpoq taamaalilluni ilaasortat taamaallaat utoqqarnit toqqarneqartut ilaasortaasinnaallutik.
Siunnersuutigineqarpoq, inuit utoqqarnut siunnersuisoqatigiinnut qinerneqarsinnaassasut aamma taasisinnaassasut 60-inik ukioqalereersimasut imaluunniit sinnerlugit. Tassa utoqqalinersiaqartuunissaq taamaalilluni piumasaqaataanngilaq.
Utoqqarnut siunnersuisoqatigiinnut qinigassanngortittussat qinersinissamut qinigassanngortinnissaminnut tapersersorneqarnissaat qulakkeerniarlugu, piumasaqaateqartoqarpoq qinigassanngortittut qulinit qinigassanngortitsisoqassasut. Tamanna imaappoq, utoqqaat qulit utoqqarnut siunnersuisoqatigiinnut taasisinnaasut sinniisoq sinnerlugu qiningassanngortitsisutut akuersissummik immersuissasut, qulakkeerniarlugu qineqqusaartup qinigassanngortinnissaa.
Kommunimi illoqarfinni tamani sinniisoqarnissaq qulakkeerniarlugu ileqqoreqqusani aalajangersaasoqarpoq, illoqarfinni tamani sinniisussaqassasoq: Aasianni innuttaasut amerlassusaat tunngavigalugu Aasianni ilaasortanik marlunnik qinersisoqassaaq.
Kommune Qeqertalimmi Utoqqaat siunnersuisoqatigiivinut Ileqqoreqqusanut siunnersuut tamanut tusarniaassutigineqarpoq piffissami: 01.06.2022-miit 01.07.2022-mut.
Tusarniaanermi piffissaliussaq:
Tusarniaanermi akissutit Kommune Qeqertalimmit tiguneqareersimassapput kingusinnerpaamik 1. juuli 2022. Tusarniaanermi akissutit Kommune Qeqertaliup pisortatigoortumik mailianut nassiunneqassapput: qeqertalik@qeqertalik.gl
PDF aajuk: Kommune Qeqertalimmi Utoqqarnut siunnersuisoqatigiinnut ileqqoreqqusat