Piukkunnarsarfik Aasiaat:
Ukioq atuarfiusoq 2022/2023 Piukkunnarsarfik Aasiaat atuartussarsiorpoq illoqarfimmi innuttaasunik, qinnuteqartitsinerlu aallartereerpoq.
15-t sinnerlugit ukioqaruit inuttullu nukittunerulernissamik suliniuteqarusukkuit manna periarfissatsialaavoq ingerlariaqqiffissatut.
MALUGIUK: Qinnuteqartussat ukiui qummut killeqanngillat.
Piukkunnarsarfik Aasiaat atuarfiuvoq atuagarsorfiunngitsoq sannavinnilli aallaaveqarluni ingerlasoq. Assaat atorlugit pinngorartitsiviuvoq, pinngorartitallu tunisassiarineqartarput illoqarfimmilu tuniniarneqartarlutik, assersuutigalugu julemarked-imi assigisaanilu.
Piukkunnarsarfik Aasianni atuarnermi karakteerilersuisoqarneq ajorpoq, atuartorli sannaviit aqqusaartorsimasai, inuttullu ineriartorsimara aallaavigalugu oqaaseqaasiuunneqartarpoq.
Piukkunnarsarfimmi atuarnermi sammisassaqartitsiviit makkuupput:
Sannavik – Ilutsinik assigiinngitsunik angissusilinnik isumassarsiorluni suliaqarneq – Inniminnikkanillu suliaqarneq - Atornikunik piorsaaneq - Illoqarfiup iluanilu suliaqarneq.
Nipilersorneq – Nipilersorneq soqutigisarigukku periarfissaqarputit peqateqarlutit nipilersornermik, taalliornermik, patiffinnik, teknikkinik assigisaannillu misileraassallutit.
Kreativ/Pinngorartitsivik – Qalipaaneq- Qissianik kusanartuliorneq - Qiortaaneq - Kiliortuineq - Isiginnaagassiorneq assigisaallu misiligarneqarsinnaapput.
Iggavik – Igaffimmi ulluinnarni suliassat suliarineqartarput ullullu tamaasa atuarfimmiittut nerisaqarnissaannik isumagineqartarlutik.
Assassortarfik – Assassortarfimmi amernik, qilattagassianik, sapakkanik, filtimik, pioreertunik nutarterineq, pappilissanik annoraaminernillu sammisaqartoqartarpoq inerititsisoqartarlunilu.
Atuarfiup aqqutissiuussisuata atuartut tamaasa oqaloqatigisarpai iliuusissamillu pilersaarusioqatigalugit, aamma aqqutissiuussisup inuttut pisariaqartitatit aallaavigalugit periarfissarsiuussinnaavaatit allanik oqaloqateqartarnissarnik.
TAAMAATTUMIK inuttut ineriartoqqikkusukkuit ilinnut periarfissatsialak Majoriaq Aasiaat aqqutigalugu qinnuteqarfigiuk
qinnuteqaatit kingusinnerpaamik tigoreersimassuarput 29. juli 2022.