Ippassaq juunip ulluisa 26-anni 2022 nunatsinni qaqutigoortumik takusartakkagut pingasulissat kuisipput. Tamanna pivoq kommune Qeqertaliup nunaqarfittaasa ilaanni Kitsissuarsunni. Angajullerniit atii imaapput:
Minik Angajooraq Larsen Mathiassen,
Niviaaluk Naja Larsen Mathiassen,
Norsaq Nuka Larsen Mathiassen.
Angajoqqaat Paninnguaq Larsen aamma Emil Mathiassen tulluusimaarneri takuneqarsinnaalluarput.
Kuisitsisoq ajoqi Tele Hansen nuannaarpoq kuisittullu eqqissisimaneri assut iluaralugit. Oqaluffimmi kuisereermata nalunaaqutaq ataatsimut nunaqqatigiinnut kaffe, tii, kaagit tamulugussat Ole Reimerip atuarfiani sassaalliutigineqarput.
Ullup ingerlanerani ilaqutaasut poortukkanik isersimaasunut paggatsitsivoq, kinguninngualu aamma aggorsimasunik paggatsitsilluni. Isersimasut tamarmik paggapput aamma meeqqat. Borgmester Ane Hansen oqaluttuarpoq, pingasulissanik meerartaartoqartoq tusaqqaaramiuk assut nuannaattassimalluni, ukiunimi makkunani meerartaartartut ikittunnguakkaaginnarnik meerataartarmata. Taamaammat kommunemit aningaasat aalajangersimalluinnaqqissaartut iluannit atortussarsiutissaannik tunineqarsimapput.
Angajoqqaajusut pilluaqqukuttoorpagut. Borgmester Ane Hansen naggasiivoq.