Sila nillikujulluni anorlilaarluni seqineqanngikkaluartoq Aasianni innuttaasut ullaakkut peqataalluarput.
Angoqqaarniuunneq ullormut allamut nuunneqarpoq puisinniarfigissallugu sila tulluanngimmat.
Aasianni Inuiattut ullorsiorneq aallarnerlugu oqaaseqartuuvoq Inuiattut ullorsiornermi ataatsimiititap siulittaasua Ovesine Hansen.
Oqaaseqareermat Erfalasorput amuneqarpoq. Ukioq manna inuusuttunnguaq Tina Rafaelsen ABK-miit, aammalu Karl Jeremiassen amusisuupput.
Nal. 9.00 Naalagiaqatiginneqarpoq.
Nal. 10 Katersortarfimmi ullaakkorsioqatigiinneqarpoq, tamannalu inunnit nuannarineqarluinnarpoq.
Silami aaqqissuussaagaluit tamarmik Aasiaat Timersortarfianut Katersortarfimmullu nuunneqarput, silap nillerpallaarnera sialualaarneralu pissutigalugut.
Nal. 13 Aasiaat Timersortarfianniittoqarpoq
Aasiaat Timersortarfiani inersimasunut kaffe tiilu. Meeqqanut mamakujuit puussiaaraq, milluartagarlu, aammalu alutorineqaqisumik candyflossimik agguarneqarput.
Appisimaartuuvoq Qeqertarsuarmiit Johanne Wille.
Taanna pereermat piorsarsimassutsikkut nersornaasiisoqarpoq
Piorsarsimassutsikkut nersornaasiineq
Ulu Jeremiassen.
Akissarsisitsisuuvoq kommunalbestyrelsemi ilaasortaq Marianne S. Larsen
Qeqertarsuarmi nersornaaserneqarpoq Knud Jensen Kunuuti
Akissarsisitsisuuvoq kommunalbesyrelsemi ilaasortaq Karl Thue Nathanielsen
Ukiorpassuarni aalisarnermik inuutissarsiuteqarsimavoq. Isikkaneq marluinnarnik ukioqartoq ataataa toqukkut qimagussimavoq, tamatumalu kingorna qatanngutigiinni angajullersaalluni ilaquttani pilersulersimavai. Atuariartunnginnermini ullaaralaakkut makittarsimavoq ilani pilersorumallugit imaani inuutissarsiorluni. 16-nik ukioqarluni sanasutut sulilersimavoq, tamatumalu kingorna ukiuni qulaaluani sanasutut namminersortuusimalluni. 1979-mi nammineq pigisaminik angallatitaarpoq, ukiorpaalunnilu aalisartuulluni inuutissarsiorsimalluni. Kunuuti imminut nittarsaattuunngilaq, angutaavorli nunaqqatiminiik aalisartuniillu ataqqineqartoq. Ukiuni kingullerni timimigut qangatut pisinnaajunnaaraluarluni nunaqqatiminik maluginiarneqartarpoq sissami piniutinik allanillu suliaqartuartartoq. Tassani ersarilluinnartarluni Kunuuti angutaasoq sulerusussusilik uninngaannarusunngitsorlu.
Qasigiannguani piorsarsimassutikkut nersornaat Karoline aamma Hans Zeebimut tunniunneqarpoq. Imalu oqaaseqartarpoq:
Nunatta pissarititaanik piniagassat aalisakkallu takkusimaarnerisa nalaanni pilineq atorluartar- tuuaarsi. Ilaqutassinnut ilisarisassinnullu nunatta pissarititaaninik atorluaanikkut maligassiuisuu-vusi oqaasertalersuinngikkaluarlusi. Ilaatigullu kinguaassinnut maligassiuisuulluarlusi.
Naak uisoq annertuumik suliaritinnikuugaluarlutit, sapinngisarnik pilersuisuuvutit. Nuliaasorlu u-ippit pisaanik amminik suliaqartarnernikkut tapersersoqatigiittuuvusi.
Kulturimik tammatsaaliisuullusi maligassiusuullusilu.
Piitannguaq Alaufesen nuannarineqarluinnarluni aliikkusersuivoq.
Kaagiliullaqqinnerpaanneqqissinaannermi aaqqissuisuupput Najukkami ataatsimiititaliaq, siulittaasoq Paninnguaq Steenholdt, Timooq Mølgård (nalileeqataasoq). Minnerunngitsumik nalileeqataavoq kaagiliullammassuaq tusaamaasarput Mette Blomsterberg
Kaagiliullammak nr. 3 Agathe Rafaelsen
Kaagiliullammak nr. 2 Tuperna Johansen
Kaagiliullammak nr. 1 Paninnguaq Reimer
Nal. 19.30 Aasiaat katersortarfiani ”Qagsse”mi unnussiaartoqarpoq. Nipilersortuupput Kim Gedionsen Band. Tamannalu aamma inunnit nuannarineqarluarpoq.
Sermitsiaq uani aamma takusinnaavat