Kommune Qeqertalimmi Innarluutilinnut siunnersuisooqatigiinnut Ileqqoreqqusat pillugit tamanut tusarniaaneq
Kommune Qeqertalimmi Inuit innarluutillit siunnersuisooqatigiivini Ileqqoreqqusanut siunnersuut matumuuna Kommune Qeqertalimmit tamanut tusarniaassutigineqarpoq.
Nassuiaat:
INatsisinut atuuttunut naapertuuttumik ingerlatsinissamut tunngatillugu Kommune Qeqertalimmi Inuit innarluutillit siunnersuisooqatigiivi Kommune Qeqertalimmi Inuit innarluutillit siunnersuisooqatigiivinut ileqqoreqqusanik nutaanik suliaqarpoq.
Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq naapertorlugu kommunip innarluutilinnut siunnersuisooqatigiinnik pilersitsivoq. Innarluutilinnut siunnersuisooqatigiit sisamat arfineq pingasullu akornanni ilaasortaqassaaq. Siunnersuisooqatigiit amerlaqqatigiinnik ilaasortaqassapput, kommunalbestyrelsimut sinniisut, kommunimi allaniluunniit atorfillit, kommunimi isumaginninnermut tunngasuni attuumassutilinnik suliaqartuusut, aammalu innarluutilinnut katuffinni sinniisussat. Kommunalbestyrelse innarluutilinnut siunnersuisooqatigiinni sinniisoqassaaq.
Massakkut Kommune Qeqertalimmi Inuit innarluutillit siunnersuisooqatigiivisa ileqqoreqqusaat malillugi siunnersuisooqatigiinnut ilaasortat piumasaqaatit malillugit toqqarneqartarput, taakkualu innarluutilinnut inatsimmut naapertuutinngillat.
Kommune Qeqertalimmi Inuit innarluutillit siunnersuisooqatigiivinut ileqqoreqqusanut siunnersuutigineqarpoq innarluutilinnut siunnersuisooqatigiit kommunimi tamarmi katitissasut illoqarfinni tamani innarluutilinnut siunnersuisooqatigiinnut ataasiakkaanut taarsiullugu. Siunnersuisooqatigiinni ilaasortat katiterneri allanngorput, taamaalilluni innarluutilinnut inatsimmut naapertuutilerluni.
Kommune Qeqertalimmi Inuit innarluutillit siunnersuisooqatigiivinut Ileqqoreqqusanut siunnersuut tamanut tusarniaassutigineqarpoq piffissami: 02.06.2022-miit 01.07.2022-mut.
Tusarniaanermi piffissaliussaq:
Tusarniaanermi akissutit Kommune Qeqertalimmit tiguneqareersimassapput kingusinnerpaamik 1. juuli 2022.
Tusarniaanermi akissutit Kommune Qeqertaliup pisortatigoortumik mailianut nassiunneqassapput: qeqertalik@qeqertalik.gl