Ullumikkut juunip ulluisa 23-anni Folketingimi ilaasortat (Grønlandsudvalg) qulit missarluinnaanni amerlatigisut Kommune Qeqertalik – Aasiaat tikeraarpaat. Ullut siulii Qeqertarsuarmiissimapput Qasigiannguaniillutillu. Ulluni tulliuttuni Sisimiunukassapput Nuukarlutillu.
Tassa Folketingimi ilaasortat aasat tamaasa nunatsinnut paasisassarsiorlutik angalasarput. Imaanngikkaluartoq suliassanik paasiniaallutik, kisiannili Naalagaaffeqatgiinnerup iluani paasisassarsiorlutik. Taamaalillutik ilaasortat namminneerlutik Kalaallit Nunaanni pissutsit qanimut misigalugillu timitarsiniassagamikkit.
Ullumikkut sisamanngornermi juunip ulluisa 23-anni Kommune Qeqertalik – Aasiannut tikeraarnerminni kommunep ataatsimiittarfiani borgmester Ane Hansenimit tikilluaqquneqarput ullup qeqqasioqatigiillutillu.
Ullup qeqqasioqatigiinnermi eqqartorneqartut ilagaat:
- Kommune Qeqertalik qanga, sooq qanorlu pinngorsimanersoq.
- Kommuninit allanit Qeqertaliup sipaarniuteqarnermigut iliuusai pillugit soqutiginnilluarput, allaat tikeraarneqartarluni.
- Angallanneq
- Talittarfeqarneq
- Eqqagassarpassuit
- Kommune Qeqertalimmi takornariaqarneq
- Nuna allanngutsaaliugaq
- Inissiat
- Inunnik isumaginninneq
- Per Kirkeby
