Kommunimi suliassat, sullinneqarneq, sanaartugassat il.il. kommunalbestyrelsip 2023-mut missingersuutit pillugit isumasioqatigiinnissaat sioqqullugu innuttaasut kissaataat naatsorsuutigisinnaasaallu pillugit Kommune Qeqertalik innuttaasunik ataatsimiititsinissamut matumuuna aggersaavoq.
Taamaalilluni innuttaasut kommunip 2023-mut Qasigiannguanut tunngassuteqartunut missingersuusiornissamut sunniuteqaqataanissaannik periarfissinneqarput.
Innuttaasut ataatsimiisitsinermi kissaataat juunip ingerlanerani kommunalbestyrelsip missingersuutit pillugit isumasioqatigiisitsinissaani saqqummiunneqassapput kommunalbestyrelsillu 2023-mut inaarutaasumik missingersuutissaa aalajangerneqartinnagu siunnersuutini tulleeriiarinissami ilaatinneqarsinnaassallutik.
Kommune Qeqartallip suliami matumani pingaarutilimmi innuttaasut kissaataat tusaaniassallugit peqataatissallugillu pingaartippaa, taamaalillunilu innuttaasut oqartussaaqataatinneqarnissaat siunertaralugu ataatsimiititsinissamut peqataaqqullugit aggersarlugit.
Ataatsimiisitsinermi kommunalbetyrelsimi ilaasortat allaffissornermilu sulisut peqataassapput.
Innuttaasunik ataatsimiisitsineq pissaaq katersortarfimmi ataasinngorneq 30. maj 2022 nal. 19.00
Aggialluarisi!
Kommune Qeqertalik