Borgmesterip sulinermini pingaartumik Qasigiannguani allaffiup pisortartaava ilisaritippaa tamanna pivoq 21. april Qasigiannguani immikkortortat pisortaannut ilisaritinneqarmat, unnukkullu innuttaasunik ataatsimiisitsinermi iliseritinneqarluni. Qasigiannguani allaffiup pisortartaava nunaqqatitaaminik tikilluaqqulluarneqarpoq isumalluarfigineqarlunilu.
Pisortanngortup ilisaritinnera
……….
Borgmester Ane Hansen DR-ip Nunatta Danmarkillu oqaluttuarisaanerannit takutitassiap siulliup takuteqqaarneqarnerani peqataavoq pingasunngornermi 21. april, isiginnaagassiap takuteqqarneqarnera Qasigiannguit Katersortarfianni taamatuttaarlu Katuami, Nuummi, Københavnimilu Katersugaasivissuarmi. Filmip takutinnginnerani Katuaminngaanniit Københavnimiillu Katersugaasivissuarmit ingerlanneqarluni. Nunaqarfik Uumassusilik, Qasigiannguit Katersugaasiviat pilersaarusiornernut aallakaatitap immikkoortortaanut 1-imut 2-mullu peqataavoq, Tapersersortaasalu AARNUAT atisassanik atortussanillu pilersitseqataapput inuttaaqataallutillu. Isiginnaagassiat takuteqqaarneqarnerat persuarsiornartumik ingerlanneqarpoq.
……………………….
Borgmester Ane Hansen Qasigiannguaniinnermini Utoqqaat atukkatik pillugit utoqqaallu illuani pissutsit naammaginanngitsut pillugit akerliussutsimik takutitsisut naapereerlugit utoqqaat naapittarfianni utoqqaat peqatigiiffianni Amaammi ilaasortat naapippai oqaloqatigiinnerlu torersumik paaseqatigiiffiusumillu ingerlanneqarpoq.
------
Borgmester Ane Hansen Qasigiannguaniinnermini pulaagaasa ilagaat sulifeqarfiit Timersortarfik, Juunarsip Atuarfia, Kulturhus/Katersortarfik kiisalu Qasigiannguit illoqarfittut ilisisarisimaneqaatigilersimasaat Nunaqarfik uumassusilik
------
Qasigiannguani innuttaasut nuliariinnik Lars Olsvig aamma Anne Mette Olsvig-mik siulersorneqarlutik kinguariinnut oqaluttuarisaanikkut kingornutassiaq annertoorujussuaq suliarisimavaat, kinguariillu oqaluttuarisaanermi atisalersoriaatsitsinnik, meeqqat pinguaasa nagguiinik, nerisaqarnittalu oqaluttuarisaaneranik annertuumik oqaluttuassamik takussutissartalimmik pilersitsisimallutik. - Takusat taakkua nuannaarutigeqaakka Qasigiannguani takornariaqarnermut pingaaruteqaannaratik aamma kinguariit oqaluttuassartaanik tammatsaaliimmata takussutissiorlutillu inuiaqatigiinnut isumalerujussuarnik suliaqarnerat nersorinnissutigaara.
