Ammaanersiornermi tikilluaqqusisuuvoq Aviak’ Lange Nielsen. Eqqaasaasalu ilagaat corona pissutigalugu qaaqqusat amerlavallaannginneri.
Qaaqqusat: Kommune Qeqertalimmi borgmester Ane Hansen, sanasut Aasiaat VVS ApS (Ove Hansen aamma Allan R. Andersen), ataatsimiititaliami INUIT-ini siulittaasoq Niels Kristensen, Marianne S. Larsen (ataatsimiititaliami siulittaasup tullia) Frantz Lundblad (borgmesterip tullersortaa siulleq, atatsimiititaliami INUIT-ni ilaasortaq), utoqqaat illuanni sulisut najugaqartullu, Nivi Strunz (kommunaldirektør), Pauline L. Abelsen (Avammut paasissutissiisartoq Kommune Qeqertalik), Arne Reimer (Sullissivimmi pisortaq), Denis Bidstrup (sanaartukkanut sullissisoq).
Kommune Qeqertalimmi borgmester Ane Hansen oqaaseqarpoq. Eqqartorneqartartoq ’50-’60-ikkunni inuusimasut amerlasoorujussuummata utoqqaat amerlasoorujussuunissaat. Suli ungasittorujuunasuiniarlugu sunaaffa ukiut tamakku angoreersimallutigit. Aamma ilaatigut aanaartoornikkut nammineersinnaajunnaarsimasut eqqarsaatigineqarput.
Tikilluaqqusineq oqalugiarnerlu naammasimmata borgmester Ane Hansen aamma utoqqaat illuanni utoqqaanersaq 97-inik ukiulik Lydia Sandgreen qiorsisuupput.
Qiorsisoqareermat qaaqqusat najugaqartullu ilassutip nerisarfiani kaffe, tii, kaagillu sassaalliutigineqarput. Tassungalu atatillugu Kommune Qeqertaliup tunissutai uleerneqarput. Kommune Qeqetaliup tunissutigai Aasiaat illoqarfiata ukiut ingerlanerini assilineqarneri assiigiinngitsut pingasut. Tamatuna kingorna illorsuaq takornariartinneqarpoq.
