Qeqqata Kommuniata borgmesteria atuarfeqarnermullu pisortaanera Gammeqarfik pulaarpaat
Borgmester Malik Berthelsen Aasianniinnini iluatsillugu, ilinniartitaanermut pisortaq Annga Lynge peqatigalugu, Aasianni meeqqat atuarfiata sulisitsisullu peqatigiiffiat GE suleqatiinnerat paasisassarsiorfigalu, Borgmester Ane Hansen peqatigalugu atuarfimmut pulaarput.
Pulaarnermut siunertaavoq Aasianni sulisitsisut GE namminneq kajumissutsiminnik meeqqat atuarfianni vikarinik pisariaqartitsisoqartillugu GE-mi ilaasortat vikaritut ikiuuttarnerat atuareernerullu kingorna ilinniagasserinermut suleqataanerat Qeqqata Kommunianiit paasisaqarfigineqarusummat.
”Suliniut sulisitsisut peqatigiiffianik atuarfik suleqateqarnera iluatsilluartoq, Qeqqata Kommuniata soqutigalugu pulaarusunnera akuersaarparput, isumaqaratta suliffeqarfiit meeqqat atuarfiallu qanimut suleqatigiinnerulernissamik siunertaq pitsaasuusoq, ilisimaneqaatigilikkatta ilagisaat allanut isumassarsiatsialaasortaaq.” taamak oqarpoq, borgmesteri Ane Hansen.
Aasianni GE-p siulittaasua Ove Hansen, atuarfiullu pisortaa saqqummiisoralugit atuarfiup suliffeqarfinnik atuartut ilinniakkerinerannut vikariliisarnerannullu pitsanngorsaallutik suleqatigiissuteqarput. Suliuniut akuttunngitsunik naapillutik ingerlariusertik nalilersortarpaat.
Assimiipput saamerlermiik, atuarfiup pisortaanera Ajaaja A. Rosing, GE Aasianni siulittaasoq Ove Hansen, Ataatsimiititaliaq Inuit siulittaasua Niels Kristensen, Kommune Qeqertalimmi borgmesteri Ane Hansen, Qeqqata borgmesteria Malik Berthelsen, Qeqqata Kommuaniani Ilinniartitaanermut pisortaq Annga Lynge.
