Kommune Qeqertaliup borgmesteriata 08.03.2022 pulaarpai Majoriaq aamma Neriusaaq
Borgmester Ane Hansen kommunip sulliviutaanut ukiumut ilaatigut marloriarluni pulaartarpoq. Pulaarnermi siunertaasarpoq paasissutissanik katernissaq.
Marlunngorneq 8.3.2022 pulaarpaa Majoriaq. Tassani Gerda O. Christoffersenip pulaarneqarnini nuannaarutigingaarlugu tikilluaqquaatigut.
Paasisat ilaatigut makkuupput:
- Atorfiit marluk Qeqertarsuarmut nuunnerisigut Aasianni sulisut amigalerput, taamaalillutik atuartunik katangaalernermik kinguneqartumik.
Kommunemiit suliniutit:
Socialeqarfiup Majoriallu attaveqatigiissinnaanermut aqqutaasa pitsanngornisaat anguniarlugu suliniartoqarpoq.
Sassaalliutigineqarput qallersukkat
Majoriamiit tarnimikkut innorluutillit sanaluttarfiat Neriusaaq pulaarneqarpoq.
Aqutsisoq Tekla Larsen.
Iserfigaagut inuit arlalialunnguit isersimaarrattut. Ilaat nerriviup qaliliorpoq allapalaaraluni. Ilaat qalipaaniarluni qalipaatit aqerluusat saaminut iliorarsimagai.
Assassugarpassuit inip iluani assigiissarlugit iliornerarneqarsimapput.
Pulaarneqartut nuannaaqaat lagkagiliorsimallutillu.
