Borgmesteri Ane Hansen sapaatip akunnerata siuliani tikeraartoqarpoq. Mimi Karlsen, Isumaginninnermut Siliffeqarnermullu Naalakkersuisoq, pilersaarummut aqutsisuuvoq, Kommune Qeqertalillu sammisassat ilaannik isumaginnittuulluni, ilaatigut innuttaasunik ataatsimiititsinermik.
Tallimanngornermi borgmesterit kommunaldirektørillu Kommune Qeqertaliup ataatsimiittarfiani ullup qeqqasioqatigiipput. Tallimanngornermi ualikkut illoqarfiup avataani qimussertoqarpoq, snescooterertoqarluni, sisorartoqarluni apusiutillu atorlugit nuannisartoqarluni. Tallimanngornermi unnukkut Kommune Qeqertalik tikeraanut Naalakkersuisunut borgmesterinullu katersortarfimmi ilassinnippoq Qeqertalik Business Council saqqummiussisoralugu. Arfininngornermi ualikkut ataatsimiittoqarpoq unnukkullu innuttaasunik ataatsimiititsisoqarluni, kikkut tamarmik Naalakkersuisut tikeraat naapinnissaannut periarfissaqarlutik. Sapaat tamaat ataatsimiittoqarpoq, unnukkullu naggataarnersiorluni nereqatigiittoqarluni.
Sapaatip akunnerata naanerani sammisassat pilersaarutaareersut saniatigut, Charlotte Ludvigsen, Kommuneqarfik Sermersuumi borgmesteri Kommune Qeqertalimmut ataasinngornermi ullaakkut pulaarpoq, aamma Malik Berthelsen, Qeqqata Kommuniani borgmesteri Gammeqarfimmut pulaarpoq GE-p Gammeqarfiup taarteqartarnermi aaqqissuussineq pillugu suleqatigiinnerat aamma ilinniakkereqatigiittarneq GE-mit ataasinngornikkut ullup qeqqata siornatigut ingerlanneqartartoq tusarniaaffiginiarlugu.
