Naternami ukiumi 2022 umimmattassiissutit
Aalisarnermut Piniarnermullu Naalakkersuisoqarfiup Naternami umimmattassat 2021 aqutsiveqarfinni pisarinngitsuukkat ukiumi 2022 umimmanniarnissamut nuuppaat.
Ataatsimiitsitaliap INOQARFIUP Kommune Qeqertalimmi aqutsiveqarfinni umimmattassat agguaappai, pisassat 75 procentii inuussutissarsiutigalugu piniartunut agguaanneqarlutik, 25 procentiilu saniatigooralugu piniartunut agguaanneqarlutik.
Umimmanniarsinnaaneq ulloq 14. Februar 2022 - 13 marts 2022 ilanngullugu ingerlanneqassaaq.
Aqutsiveqarfikkaartumik umimmanniarnissamut qinnuteqartut pisassiissutinit amerlaneruppata, makitsinikkut pisassat agguaanneqassapput.
Umimmanniarnissamut qinnuteqarsinnaaneq ulloq 02. Februar 2022-miik 10. Februar 2022 ilanngullugu najukkami sullissivimmut saaffiginninnikkut qinnuteqartoqarsinnaavoq. Aqutsiveqarfinni makitsisoqassatillugu ulloq 11. Februar 2022-mi ingerlanneqassapput.
Ilanngullugu Ataatsimiititaliaq Inoqarfik aalajangerpoq ukiuunerani umimmanniarnerup uninnginnerani, pisassat tamakkerlutik pisarineqarnissaat qulakkeerniarlugu siulittaasoq ulloq 1. Marts 2022 umimmattassanik pisarineqanngitsunik aqutsiveqarfinnut agguaasseqqinnissaa akuerineqarmat.
Ilanngullugu erseqqissaassutigineqassaaq umimmanniarnermi qamuteralaat motoorimik ingerlatillit atorneqarnissaat sukannersumik inerteqqutigineqarmat.
Tabel 1. Naternami ukiuunerani umimmattassat 2022 aqutsiveqarfinni agguaateqqinneri
|
Aqutsiveqarfiit |
Aasiaat |
Qasigiannguit |
Kangaatsiaq |
Qeqertarsuaq |
|
Inuussutissarsiutigalugu piniartut pisassaat |
17 |
2 |
17 |
4 |
|
Saniatigooralugu piniartut pisassaat |
5 |
1 |
5 |
2 |
Ataatsimiitsitaliaq INOQARFIK