Covid-19 pillugu nalunaarut
Ulloq 11. Januar 2022 Naalakkersuisut nalunaaruteqarput Aasianni tuniluunnerup suminngaanneerneranik ilimaneqanngitsoq paasineqartoq. Taamattumillu Kommune Qeqertalik ulloq 12. Januar 2022 aallarnerfigalugu Aasianni allattoqarfik makkuninnga paasissutissanik nalunaaruteqassooq.
Sullissivik Aasiaat aamma Majoriaq, Kommune Qeqertalik
Kommunemut saaffiginninniaraanni oqarasuaatikkut saaffiginneqqaartoqartassaat 70 19 00-mut.
Ornigulluni saaffinninniaraanni inniminneeqqaarluni saaffiginnittoqartassaaq imaluunniit mailikkut inniminniisoqarsinnaavoq uunga : qeqertalik@qeqertalik.gl
Ornigunniaraanni Sullissiviup isaariaatigut ataatigut isertoqartassaaq aqqusernup nalaatigut.
Sullissivimmut isernermi coronapas piumasaqaataanngilaq, kisiannili saaffiginnittarfimmiit qummukarniaraanni coronapas Sullissivimmi sulisunut takuteqqaarneqartassaaq.
Kommunep suliffeqarfiutaannut iserniaraanni qanermut imaluunniit kiinnamut assiaqutit atorneqartassapput.
Anartarfilerineq
Anartarfilerisut sulisut illumut iserlutik igitassanik aallertarunnaarput, taamaattumillu anartarfimmi igitassanik najugaqartut namminneq suliareriarlugu annittassavaat. Igittakkanik anartarfillit illup silataanut namminneq puussiaq ilisassavaat, kisiannili namminneq igitsissanngillat, tassulu utoqqaat pittorluttullu qinnuigissavagut Sullissivimmut saaffiginneqqullugit oqarasuaammut uunga 70 19 00 imaluunniit mailimut uunga qeqertalik@qeqertalik.gl . Taakkununnga saaffiginnittut kisimik sulisunit isumaqatigiissuteqaqqaarlutik allaffissuarmut isersinnaapput isumaqatigiissusioriartorlutik.
Utoqqaat sanngiitsullu sissuikkit
Utoqqarnut aamma inunnut timikkut akiuussutikitsinut TAMANUT pulaarnerit , igammik Aasianni utoqqaat illuutaaniittunut, pisariaqanngitsumik pulaarnerit pinaveersaartinneqassapput, tamannalu utoqqaat innuttaasullu timimikkut akiuussutissakitsut angerlarsimaffiinut aamma atuulluni.
Utoqqaat illluanut najugaqartunut qanigisaasut pulaarniarunik attaveqaataasoq imaluunniit najugaqartut aaliagigaat ataaseq pulaarneqarsinnaavoq, pulaarniaraannili utoqqaat illuanut sianerluni inniminneeqqaarnissaq pisariaqartinneqassaaq.
Utoqqaat illuanullu iserniaraanni coronapas-mut tunngatillugu uppernarsaat atuutilersinneqarpoq, pinngitsooranilu qanermut imaluunniit kiinnamut assiaqutit atorneqassapput utoqqaat illuani ingerlaarnermi. Erseqqissaatigissavarpulli najugaqartut ineeraanni killilersuutit atuutinneqanngimmata, namminneq inigimmatigit. Innersuussutigissavarpulli utoqqartagut pillugit maleruaqqusat allat atuuttut atorneqarnissaat.
Utoqqaat illuani coronapas-mut tunngatillugu uppernarsaasinnaangippata, sulisut pisinnaatinneqarput isernissamut itigartitsisinnaanerannik.
Inussiarnersumik inuulluaqqusillunga | Med venlig hilsen
Arne Sandgreen Reimer
Bychef
Aasiaat