Kommune Qeqertalimmi imigassamik sassaalliisinnaaneq tuniniaasinnaanerlu matuneqarallarpoq
Imigassamik sassaalliisinnaanerup tuniniaasinnaanerullu matoqqatinneqarnera 27. Januarimiit 9. Februar 2022 ilanngullugu atuutissaaq.
Sassaalliisarfiit il.il. matoqqasarfiinik allannguigallarneq pillugu Namminersorlutik Oqartussat nalunaarutaat sivitsorneqarnerata malitsigisaanik Kommune Qeqertalik kissaateqarpoq, kommunimi imigassanik aalakoornartortalinnik tuniniaaneq sassaalliisarnerlu matoqqatinneqarallassasut piffissami 27. Januarimiit 9. Februar 2022 ilanngullugu.
Kommune Qeqertalik taama kissaateqarnermini tunngavilersuutigaa aningaasarsiffiusussaanera eqqarsaatigalugu imerniartarfiit killilersorneqarnerata nalaanni, aammalu nualluutip covid-19-ip tuniluunnerata nalaani, angerlarsimaffinni erngunnissaq tamatumalu nassatarisaanik eqqissiviilliortitsisoqarsinnaanera ernumanarmat. Ernumassutigineqarpoq eqqissiviilliornerit politiinut inunnillu isumaginnittoqarfimmi pingaartumut suliassanik amerlanerusunik kinguneqarsinnaanerat.