Atuartut angajulliit nuna tamakkerlugu illoqarfinni atuartut sap.ak 39 immikkut sammisaqarlutik SILASISAmik taallugu assigiinngitsutigut suliaqartinneqarnikuupput. Tamanna iluatsillugu Kangaatsiap atuarfianiittuusugut saaffigineqarpugut Andy Mackinnon suleqatigalugu atuartuutigut ilanngutassiisinnaannginnersut COP26 Scotlandimi ataatsimeersuartoqalerpat oqariartuuteqarnissatsinnik.
Tamannalu piviusunngorpoq, angajullerni ilinniartitsisut Miki Therkelsen aamma Marie Jeremiassen peqatigalugit 9.klassit filmeeraliormata torrallatamik tulluusimaarutigeqisatsinnik.
Taannalu Youtubemi ullormi 3.november 2021 takuneqarsinnaalerpoq. Linki toorlugu takuuk:
Insland Space @ COP26 - Climate Change Message in a Bottle
saqqummiussami minutsit 21,33 ingerlareernerani ilaavoq 2 min. missaani sivisussuseqarluni.
Inussiarnersumik inuulluaqqusillunga:
Sussi Adelholm
Atuarfiup pisortaanera
Kangaatsiap atuarfia