• Qinigassanngortilluni immersugassaq.pdf
• Borgmester meeqqat isummersorfianut qineqqusaarnissaanut kaammattuutaa:
• Meeqqat Isummersorfianut peqataalluni paasissutissaq

Illillu 13-17-inik ukioqalereersimaguit aamma qineqqusaarsinnaavutit

Meeqqat Isummersorfiat (MI)

Kommunalbestyrelsit, Meeqqat Isummersorfiat (MI) Nakuusaaqqallu ataqatigiissumik imaqarluartumillu suleqatigiittussaapput, taamaattumillu kommunalbestyrelsit qulequttamik MI-kkunnut nassiussisinnaapput, MI-llu Nakuusaaqqanut qulequtaq ingerlateqqissavaat ataatsimiissutigeqqusillutik. Nakuusaaqqat isummersornitik MI-nut nassiuteqqissavaat, MI-llu kommunalbestyrelsinut nalunaarusiaminnik ingerlatitseqqittassallutik.

Sumiiffigisanni meeqqat inuusuttullu suliniutinut, meeqqanut inuusuttunullu tunngasut oqartussaaqataalernissat, meeqqat pisinnaatitaaffii paasineqarnerulernissai nukittorsaaqataaffigerusuppiuk? Nunatsinni meeraanerup pitsanngorsaaviginissaa sunniuteqaqataarusuttoq? 

Silap pissusiata allanngoriartornera piujuaannartitsinerlu pillugu, Ilulissani Meeqqat Isummersorfiini ilaasortat ataatsimeersuarneranut soqutiginnillutit oqaloqataarusuttoq?

Taava periarfissaqarputit Meeqqat Isummersorfiini ilaasortamut qinigassanngortinnissannut.

Silap pissusiata allanngoriartornera piujuaannartitsinerlu pillugu sunik suliniuteqarusussinnaavit?

Qiningassanngortillutit allakkamik nassiussisinnaavutit imaluunniit filmeeqqamik nassiussillutit uunga: qeqertalik@qeqertalik.gl  imaluunniit Sillissivimut ammanerani tunniussiartorlutik. Nassiussiguit eqqaamassavat qulequtsissagakku: MEEQQAT ISUMMERSORFIAT [SUMIIFFIIT ASS. IGINNIARFIK]

Kingusinnerpaarmik 23.november 2021 nal. 12.00 nassiussigit.

Eqqaamassavat qinigassanngortikkusullutik nalunaarnerni angajoqqaanit/akisussaasunit akuersissummik atsiukkamik ilanngullugu nassiussissangavit. Angajoqqaanut atsiugassaq www.qeqertalik.gl anillatsissinnaavat imaluunniit Sullissivimmut immersugassaq aasinnaavat.

Qineqqusaarluarisi.