Naalagaaffiit peqatigiit nunani tamalaani utoqqarnut ulloritaani 1. oktober 2021 Aasianni utoqqaat kommunip allaffianut ingerlaaqatigiinneranni borgmesterip kaffeqatigivai.

Aasianni utoqqaat kommunip allaffissuanut allagartarsualisarlutik ingerlaaqatigiipput. Utoqqaat siunnersuisooqatigiit aallartisarnissaat, inissiat nillerpallaarneri, Aasianni bussit amigaataaneri, utoqqaat ornittagaat pitsaanerusoq, atortorissaarutinut nutaalianut malinnaatinneqarnissaq, paasititsiniaanerlu ingerlanneqartariaqartoq ilaatigut tamakkuupput utoqqarnit nilliaatigineqartut.

Borgmester Ane Hansen aamma kommunalbestyrelsimut ilaasortaq, Ataatsimiititaliaq INUIT-mi Siulittaasup tullia Mariane S. Larsen kommunimilu Aasianni Suliassaqarfik INUIT-mi pisortaq atorfilillu, qullersaqarfimmilu INUA-ni atorfilittat peqatigalugit utoqqaat oqariartuutaat tusarnaarpaat. Borgmester Ane Hansen-ip utoqqaat oqaaseqarfiginerani utoqqarnut pilersaaruteqarfigineqartut, suliat ingerlasut aamma sanaartornerit paasissutissiissutigivai.

Tamatuma kingorna borgmesteri allaffimmi utoqqarnut kaffellerpoq.