Innuttaasunut tusarniut Qasigiannguani inissialiortoqarnissaanut piffimmi 1100-A03-mi. Inissiat ilaqutariinnoortuussanersut, inuusuttunoortuussanersut imaluunniit utoqqarnut pisinnaanerusunut ataatsimoorussamik inissiaassanersut.
Paasissutissiineq:
Qasigiannguani inissiat neqeroorutigineqartut sipporlugit inissianik piumasoqarpoq. Taamaattumik innuttaasut tusarniaaffigineqarput, inissiat sorliit pisariaqartinneqarnerunersut.
Siunertaq:
Innuttaasut isumaat tusarniarneqarpoq naliginnaasunik ilaqutariinnut inissialiortoqassanersoq, inuusuttunut inissiarliortoqassanersoq imaluunniit utoqqarnut pisinnaanerusunut inissialiortoqassanersoq.
Kommunimut pilersaarutip tapiatut siunnersuut 1100-A03 Tamanut ammasumik tusarniaassutigineqarpoq piffissami: 05.10.2021-miit 26.10.2021-mut.
Kommunimut pilersaarutip tapiatut siunnersuut sapaatip akunnerini pingasuni tusarniutaavoq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il.. – akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Tusarniaanermut akissutit kommunimut mailikkut nassiussinnaavat uunga: plan@qeqertalik.gl Akissutit najukkami Sullissivimmut aamma tunniussinnaavat imaluunniit kommunimut nassiullugu.
Tamanut saqqummiussereernerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai, tamatumalu kingorna siunnersuut inaarutaasumik akuerineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tinguneqareersimassapput ulloq 26.10.2021.
Suliassaqarfik Inoqarfik.
Qasigiannguit, Kommune Qeqertalik.
