Aalisarnermut Piniarnermullu Naalakkersuisup Nunatta Kitaani qamutilissorluni tikaagullittassiissutinit 12-nik ataatsimoorluni qoorortoorsorluni tikaagullittassanut nuunnissaat aalajangerpaa, taamaasilluni Kitaani angallatit qamutilillit tikaagullittassaat maanna 51-it sinnerupput kiisalu umiatsiaararsortunut pisassat 48-llutik, nuussineq septembarip 16.-anni 2021-miit atuutilissaaq.
Tikaagullittassat sinneruttut ulloq 5. Oktoberi 2021 SISAMAT ataatsimoorluni piniaqatigiilluni umiatsiaararsortunut piumasaqaatinik naammassinnittunut tamanut paggatassiissutigineqarnissaat. Aaliangernermut toqqammaviuvoq piffissap imaasinerani sila unerisimajunnaartarnera aammattaaq piffissami imaalisumi tikaagulliit kujavalereersarneri.
Piniaqatigiinnermi maleruaqqusat eqqaamaneqassapput. Tikaagulliit nuussat nunguppata ingerlaannartumik licensit atorunnaarsinneqassapput utertinneqassallutillu.
Piumasaqaatit pinngitsoorneqarsinnaanngitsut:
- Inuussutissarsiutigalugu piniarnermut allagartaq pinngitsoorani nassarneqassaaq, nassarneqanngippat agguaassinermi peqataatinneqarsinnaanngilaq.
- Angallat nammineq pigisariaqarpoq taannalu nalunaarnermi nalunaarutigineqarnikuusoq atorneqassaaq.
- Kaptajn pisinnaatitaavoq pisaqaqataasut piniarnermut allagartaminnik nassataqarnersut aperisinnaallugit pisaqarsimalluni agguaannginnermi.
Ataatsimoorluni tikaagullinniarnissami piumasaqaatit ilaatigut ukuusut maluginiaqquneqarput:
- Piniaqataanissamut akuerisaasimasut kisimik piniaqataasinnaapput.
- Piniarneq ima aaqqissuunneqassaaq, ataatsimoorluni piniarnermi ikinnerpaamik umiatsiaaqqat tallimat piniarnerni ataasiakkaani peqataatillugit.
- Piniarneq aallartinneqassanngilaq ataatsimoorluni piniarnermut peqataasussat akuersissutinik piginneqataasut sumiiffinni tamarmik piniarnerup aallartinnissaanik nalunaarfigineqarsimatinnagit piniarneq aallartinneqassanngilaq.
- Angallatit qamutileqanngitsut 30 fods tikillugit angissusillit ataatsimoorluni piniaqataasinnaapput, kisiannili angallatitut siuttuutinneqaratik.
Ataatsimiititaliaq INOQARFIK
Kommune Qeqertalik