Kommune Qeqertalik Kommune Qeqertalik kommunip pilersinneqarneraniilli qimmeqarneq pillugu ileqqoreqqusamik peqarnikuunngilaq. Taamaattumik qimmeqarneq pillugu ileqqoreqqusamut nutaamut siunnersuut suliarineqarnikuuvoq.
Qimmeqarneq pillugu ileqqoreqqusap siunertaa
Qimmeqarneq pillugu ileqqoreqqusaq kommunimi qimmit atugaasa pitsaasuunissaannik qulakkeerinneqataasarpoq. Taassuma saniatigut innuttaasut qimmeqarusuttut erseqqinnerusumik tunngaveqarluni piumasaqarfigineqarsinnaalissapput, tamannalu ulluinnarni sulianik suliaqartarnerinut iluaqutaassaaq.
Qimmeqarneq pillugu ileqqoreqqusatut siunnersuut tamanut tusarniutigineqarpoq piffissami uani: 17.09.2021-miit 12.11.2021 ilanngullugu.
Qimmeqarneq pillugu ileqqoreqqusatut siunnersuut sapaatip akunnerini arfineq pingasuni tusarniutaavoq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il.. akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Illit tusarniutitut akissutit kommunimut mailikkut uunga plan@qeqertalik.gltunniussinnaavat. Akissutit najukkarni Sullissivimmut aamma tunniussinnaavat imaluunniit kommunimut nassiussinnaavat.
Tamanut saqqummisitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassalluni.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 12.11.2021.
Tusarniaaneq aamma linki toorlugu iseriarlutit atuaruk plania.qeqertalik.gl-mi:
Kommune Qeqertalimmi qimmeqarneq pillugu ileqqoreqqusatut siunnersuut
Linki toorlugu siunnersuut atuaruk:
Qimmeqarneq pillugu Kommune Qeqertaliup ileqqoreqqusaa.
INUA
Kommune Qeqertalik.
