Qeqertarsuarmi Kiinnat festival nuannisarfiuvoq.

Kiinnat festival ingerlanneqarpoq Qeqertarsuarmi 11. septemberimiit 15. september ilanngullugu. Nunatta isiginnaartitsisarfia kiisalu Nordisk Teaterlaboratorium Odin Teatrer peqatigiillutik angalapput. Kiinnat festival fondiniit assigiinngitsuniit Kommune Qeqertalimmiillu aningaasaliiffigineqarluni ingerlanneqarpoq.

Kiinnat festival siunertaraa namminneq takutitsitsiinnarnatik illoqarfinni nunaqarfinnilu tikitaminni innuttaasut piginnaasaat aamma takutinneqassasut, taamaalillutik workshoppertitsinerit ingerlappaat naggataatigullu takutitseqatigiillutik.