airplanebooksbriefcase business cogs cross election entertainment fish house law lockmedicalpeopleselfservices socialtax

Aasianni killilersuutit atorunnaarsinneqarput.

Malugiuk: Anartarfilerineq minillugu.
6. september 2021

Killilersuinerit atorunnaarsinneqarneranni Aasianni Kommune Qeqertaliup suliffeqarfiutaani innuttaasunut kiffartuussinermi sullissineq ammaqqinneqarpoq 

Matumuuna nalunaarutigissavarput tallimanngorneq ulloq 3. septemberi 2021 aallarnerfigalugu Naalakkersuisut killilersuutaat 31. Oktober tungaanut atuukkallartinneqarsimasoq Aasianni Upernavimmilu taamaatinneqarmata.

MALUGIUK: Anartarfilerinermi atuutsinneqarsimasoq suli atuummat:

Anartarfilerineq Aasiaat, Kommune Qeqertalik:

  • Anartarfilerisut sulisut illumut iserlutik igitassanik aallertarunnaarput, taamaattumillu anartarfimmi igitassaq najugaqartut namminneq suliareriarlugu annittassavaat. Igittakkanik anartarfillit illup silataanut namminneq puussiaq ilisassavaat, kisiannili namminneq igitsissanngillat, tassalu utoqqaat pittorluttullu qinnuigissavagut Sullissivimmut saaffiginneqqullugit oqarasuaammut uunga 70 19 00-mut imaluunniit mailimut uunga qeqertalik@qeqertalik.gl.

               Anartarfilerinermik suliaqartut ullut igitsiffissat malillugit igitsissapput. Taamatut aalajangerneq innuttaasunik sulisunillu Covid-19-mut illersuinissamik peqquteqarpoq aamma Covid-19-mik tuniluuttoqannginnissaanik pinaveersaartitsiniarluni taama aalajangertoqarpoq.

    Anartarfilerineq pillugu allannguisoqarpat innuttaasunut nalunaarutigineqassaaq.

Aasianni kommunip sullissiviini makku ammaqqinneqarput:

Sullissivik Aasiaat aamma suliassaqarfiit allat allaffissuarmi inissisimasut saaffiginiaraanni:

  • Marlunngorneq 7. September ornigulluni saaffiginnittoqarsinnaaleqqissaaq. 

Aasianni kommunip isaariai tamarmik marlunngorneq 7. September iserfigineqaqqissinnaalissapput.

 

Meeraaqqeriviit, meeqqeriviit aamma atuareernerup kingorna ornittakkat Iglo Klub aamma Juniorklub nuannersoq:

  • Aggiussisarneq aamma aallertarneq naliginnaasumik ingerlalerpoq.
  • Igdlo Klub unnukkut ammaqqippoq.

    Atuarfik Gammeqarfik:

  • Atuarfimmi sumiiffinnik killilersuineq (Zonekkaarineq) unitsinneqarluni naliginnaasumik atuartitsineq skemat malillugit aallarteqqippoq.

     

    Najugaqatigiiffiit:

  • Najugaqatigiiffinnut pulaartoqaqqissinnaalerpoq. 

     

    Utoqqarnik sullissineq aamma utoqqaat illuat:

  • Utoqqaat illoqarfimmi najugallit utoqqaat illuanut neriartoqqissinnaalissapput marlunngorneq 7. September 2021.
  • Utoqqaat illoqarfimmi najugallit utoqqaat illuannut pulaaqqissinnaalerput.
  • Utoqqaat illuannut ilaqutaasut pulaaqqissinnaalerput.
  • Utoqqaat illuanni qanermut assiaqut pisariaaruppoq.

     

    Innarluutillit aamma utoqqaat bussiinik angallassineq:

  • Innarluutillit utoqqaallu bussianni angallassineq naliginnaasumik ingerlaqqilerpoq.

 

Avataaniit tikittunut:

Pisortaqarfinnut iserniaruit coronapas piumasaqaataavoq, coronapaseqanngikkuit qanermut assiaquteqassaatit.

Tamakkiisumik akiuussusertissimasut mobiilimi coronapas app-eq uppernarsaatitut atorneqarsinnaavoq imaluunniit nakorsamit uppernarsaat atorneqarsinnaalluni.

 

Katerisimaartarnernut aamma ininut kikkunnit tamanit iserfigineqarsinnaasunut killilersuigallarnerit pillugit Namminersorlutik Oqartussat nalunaarutaat nr. 46, 23. august 2021-mersooq

http://inatsisit.gl/Lov?rid=%7b3F83DFF0-09DF-4297-8004-9EC49DEC68D9%7d&sc_lang=kl-GL

Kalaallit Nunaannut nunatsinnilu angalanermi piumasaqaatit pillugit Namminersorlutik Oqartussat nalunaarutaat nr. 48, 23. august 2021-mersooq

http://inatsisit.gl/Lov?rid=%7b6A70C30E-ADA6-4F30-8530-544350F69457%7d&sc_lang=kl-GL

 

Inussiarnersumik inuulluaqqusilluta

Kommune Qeqertalik

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput. Akueriuk annertunerusumilluunniit uani paasisaqarit.