Piffissap 01. November 2021 - 30. april 2024-illu akornanni aputaajaanissaq pillugu ukiut pingasut suliariumannittussarsiuunneqarput.
Neqerooruteqarnermi suliarineqarsimasut neqeroortitsinermi atuuttut:
Neqerooruteqarnermi najoqqutassat tapiliussallu, Suliassaqarfik Inoqarfik-up suliai 10. september 2021.
-Neqeroortitsissutigineqartussamik allaatiginninneq: Aasianni Ukiukkut sullissinissamut neqeroortitsineq.
-Ukiukkut sullissinermi atugassarititat: Aasianni ukiukkut sullissinissaq.
-Aasianni ukiuunerani suliassat pillugit suliariumannittussarsiussineq: Neqeroornermi immersugassaq.
-Aasianni aqqusernit aputaajagassat nalunaarsorlugit assinga: Aqqusernit aputaajagassat nalunaarsorneqarnerisa assinga
Illoqarfimmi angallaffiit, soorlu biilit angallaffii, bussit unittarfii bussillu kaavittarfii il. il. ukiuunerani suliassaapput, taavalu kommunip aqqutai allat aputaajagassat quasakkunnaarsitassallu. Kommunip aqquserngi ataasiinnanngorlugu aggorneqarnikuuvoq: Aqqusineq A.
Ukiuunerani suliassat suliarinerini lastbiilit, gummiged/traktor atorlugit suliarineqassapput. Pisiortorfiup nammineerluni aputaajaanissamut atortussat pigeriissavai.
Neqeroorutit allaganngorlugit tunniunneqassapput, aningaasartaasa qallunaatut nalunaarutigineqarnerat ilanngullugu, ateq, najugaq, oqarasuaatip normua imaluunniit suliffeqarfiup neqeroortup mailia ilanngullugu uunga tunniunneqassapput:
Kommune Qeqertalik, Aasiaat, Suliassaqarfik Inoqarfimmut allakkat kingusinnerpaamik tallimanngorneq, ulloq 01. oktober 2021 nal.11:00 Kalaallit Nunaata Kitaata nalunaaqutaa naapertorlugu.
Apeqqutissaqaraanni Suliassaqarfik Inoqarfik-mi sulisut saaffigineqarsinnaapput.
Att.: Otto Sandgreen, Denis Bidstup.
Neqeroorutigineqartut neqeroorsimasut peqataarusuttut peqatigalugit ammarneqassapput.
Unammillernerit peqqutigalugit, neqeroorutit allakkat puussaannut matullugit poorneqassapput, nalunaaqutserlugillu ”Allakkerisarfimmit ammarneqassanngilaq – Neqeroorut: Aasianni ukiuunerani suliassat”.
Neqeroorut pituttuisuuvoq allanngortinneqarsinnaananilu.
Kommune Qeqertalik pisinnaatitaavoq neqeroorutini qinersersisinnaalluni imaluunniit tamaasa atorunnaarsissinnaallugit.
Inussiarnersumik inuulluaqqusillunga
Suliassaqarfik Inoqarfik
Aasiaat, Kommune Qeqertalik
