Matumuuna nalunaarutigissuarput Aasianni Meeraaqqerivik Vâva tallimanngorneq 6. august 2021 ammaqqinneqassammat.
Taannalu peqquteqarpoq meeqqerivimmi sulisunik atuisunillu misissuisoqareernerata kingorna aammalu paasineqarmat tunillaassuunneq meeqqerivimmi ingerlasimanngimmat.
Taamaalillunilu Meeraaqqerivik Vâva-mi kiffartuussineq aallarteqqippoq sulisoqalerluni ulloq 6. august 2021 aallarnerfigalugu.
Atuisunulli erseqqissaatigissavarput Covid-19-mik ersiuteqaraanni meeqqerivimmiitsitsinani angerlarsimaannarallarnissaq kajumissaarutigineqassammat, aammalu napparsimavimmut sianernikkut apeqqutilliisoqarsinnaammat imaluunniit misissortinnissamik inniminniisoqarsinnaammat.
Aammalu ilanngullugu erseqqissaatigissavarput angajoqqaanut aallernermi sapinngisamik inuk ataaseq aallertassammat, aammalu qanermut assiaquteqarluni isertoqartassammat. Taassumalu saniatigut pisortat innersuussutaat malilluarnissaat kissaatigineqarpoq.
Qujavugullu Meeraaqqerivik Vâva-mi atuisunut tamanut Covid-19-mik akiuiniartoqarnerani atuisut tamarmik paasinnilluarlutillu suleqataalluarnerannik.
Arne Sandgreen Reimer.
Illoqarfiup Sullissiviini Pisortaq.
Aasiaat. Kommune Qeqertalik.