Naalakkersuisut tusagassiortunik katersortitsinerminni nalunaarput Aasianni kommuni peqqinnissaqarfillu suleqatigiillutik misissuisarfimmik pilersitsisoqartoq.
Aasianni Kommune Qeqertalik misissuisarfimmik ataatsimik ammaanissaminut piareersimavoq, inuit amerlasuut misissortinnissaminnik pisariaqartitsilissagaluarpata. Aasianni pisut massakkut aqunneqarsinnaasutut nalilerneqarput, taamaattumik kommunimit ikiuinissaq pisariaqartinneqanngilaq. Massakkut tunillatsissimasut amerleriaqqissagaluarpata aamma tuniluuttoqaqqilissagaluarpat kommunip napparsimmaviup eqqaanittoq Alleq atorneqarsinnaasutut neqeroorutigaa, illu taanna marlunnik isaariaqarpoq inunnit amerlasuunit iserfigineqarsinnaalluni.
Napparsimmaviup inuit ullormut 20-t missaat misissugassamik tigusiffigisarpai aamma misissortittussat ikinnerpaamik ullunik pingasunik (3) sioqqutsillutik nalunaartarnissaat kissaatiginikuuaa. Inunnik amerlasuunik misissuinissap pilersaarusiorneqarnerani kommunimi sulisut siarnguttunik tigooqqaanissaminnut aamma piffissalersuinermut sulisinnaasunik piareersimatitsisinnaavoq, tamannalu pissaaq napparsimmaviup misissugassanik tigooqqaasinnaaneranik isumaqatigiissuteqaqqaarluni.
Tassanngaannartumik tuniluuttoqalissagaluarpat peqqinnissaqarfik suleqatigalugu misissuisarfiugallartumik pilersitserusuppugut.
Kommune Qeqertalik.