Matumuuna nalunaarutigissuarput Meeqqerivik Kulloq tallimanngorneq 6. august 2021 aallarnerfigalugu ilaannakortumik ammarneqassammat.
Sulisut ulluni 26. aamma 27. juli sulisimanngitsut meeqqanik paarsitinneqassapput. Aammalu meeqqat ulluni taakkunani 26. aamma 27.juli meeqqerivimmiissimanngitsut paarineqassallutik.
Allat sulisut meeqqallu isersinnaalissapput misissortinnerminni negativimik akissutissarsisimalerpata.
Taamaalillunilu Meeqqerivik Kulloq ilaannakortumik meeqqanut paarsisinnaanngoqqinnissaminik ammarneqassaaq ulloq 6. august 2021 aallarnerfigalugu.
Kommune ingerlaannaq tamanut tusagassiilluni avammut nalunaaruteqassaaq kommunip nittartagaatigut, facebookkikkut aammalu allagarsiivikkut Meeqqerivik Kulloq-mi tamanut naliginnaasumik ammaqqinneqarpat, tamannalu pissaaq misissuinermi akissutissat akissutigineqalersimalerpata.
Atuisunulli erseqqissaatigissavarput Covid-19-mi ersiuteqaraanni meeqqerivimmiitsitsinani angerlarsimaannarallarnissaq kajumissaarutigineqassammat, aammalu napparsimavimmut sianernikkut apeqqutilliisoqarsinnaammat imaluunniit misissortinnissamik inniminniisoqarsinnaammat.
Aammalu ilanngullugu erseqqissaatigissavarput angajoqqaanut aallernermi sapinngisamik inuk ataaseq aallertassammat, aammalu qanermut assiaquteqarluni isertoqartassammat. Taassumalu saniatigut pisortat innersuussutaat malilluarnissaat kissaatigineqarpoq.
Qujavugullu Meeqqerivik Kulloq-mi atuisunut tamanut Covid-19-mik akiuiniartoqarnerani atuisut tamarmik paasinnilluarlutillu suleqataalluarnerannik.
Arne Sandgreen Reimer.
Illoqarfiup Sullissiviini Pisortaq.
Aasiaat. Kommune Qeqertalik.