Angajoqqaanut nalunaarut
Atuartut ilaat COVID 19-imik aattortissimammat atuarfiup iluani killilersuineq sukateqqinneqarpoq. Sukaterinerlu skemat malillugit zonekkaaraluni atuarnermik ingerlanneqassooq.
Nualluummik COVID 19 atuarfiup iluani aattuuttoqannginnissaa anguniarlugu atuartut zonenut agguarlugit atuarneq tallimanngornermiit 27. August 2021-imiit nalunaartoqaqqinnissaata tungaanut ingerlateqqissuagut.
Atuartitseriuseq: Atuartut skema malillugu zoneminniiginnarlutik atuassapput.
Atuartut zone-nut agguarneqarput
|
Zone |
Klasse |
|
Zone A |
1.K – 1.L – 2.K – 2.L – 2.M – 3.K – 3.L – 3.M |
|
Zone B |
2.X – 4.K – 4.L – 4.M – 5.K – 5.L – 5.M |
|
Zone C |
3/4.X – 4.Y – 4/6.X – 7.X – 6.k – 6.L – 6.M |
|
Zone D |
7.K – 7.L – 8.L – 8.M – 9.K – 9.L – 10.K – 10.L – 10.M |
|
Zone E |
7/8.Y – 8/9.Y – 9/10.X |
Atuartut ilinniartitsisullu zone A-miittut aammalumi atuareernermi Igdlo klubbimik atuisartut immikkut COVID 19-imik ersiuteqarnissamut maluginiagaqassapput.
Anitsiarfissat
Atuartut zonemi eqqaani imaluunniit klasseminni anitsiartassapput
Klassemiiginnartarnissaq
Klasserinngisamut pulaartoqartassanngilaq tamannalu allamik nalunaartoqaqqinnissaata tungaanut atuutissooq.
GAK Gammeqarfimmi kioskip matoqqatinnissaa
Gammeqarfimmi kioski piffissami 27. August 2021-imiit matoqqatinneqassooq
Taqussanik aggiussisoqarsinnaanngilaq
Atuarnerup ingerlanerani angajoqqaat meeqqaminnut nerisassanik pajuttuisassanngillat, atuartut ullaakkut atuariartornerminni taquassaminnik nassariissapput.
Angajoqqaat meeqqaminnik atuariartuussisut.
Angajoqqaat atuariartuussisut Gammeqarfiup anitsiartarfiata silataanut killillutik meeqqatik qaniorsinnaavaat. Nukarlerni atuartut ilinniartitsisui atuariartortunut tikilluaqqusillutik piareersimasassapput
Angajoqqaat meeqqaminnik angerlarsimatitserusuttut
27. August 2021-imiit nalunaartoqaqqinnissaata tungaanut atuartut angajoqqaaminniit angerlarsimatinneqartut akuerineqarluni atuanngitsutut nalunaarsorneqassapput.
Angajulliit alloriarfianni ulloqeqqasiortarnissaat
Angajulliit alloriarfianni angerlarlutik ulloqeqqasioriartorsinnaapput.
Sinaakkutinik malinnikkumanngitsunut kinguneqartitsisinnaaneq
Sinaakkutit malinneqarumanngiinnarpata angajoqqaanut piumasarineqarsinnaavoq atuartoq aaneqassasoq aammalu angerlarsimassasoq
Gammeqarfimmut saaffiginninniaraanni
- Saaffiginninniaraanni oqarasuaat 89 47 55-mut sianernikkut saaffiginnittoqassaaq
- Ornigulluni saaffiginninniaraanni oqarasuaat 89 47 55-mut inniminneeqqaarluni saaffiginnittoqassaaq imaluunniit mailikkut inniminniisoqarsinnaavoq uunga: gammeqarfik@qeqertalik.gl
Ornigunniaraanni allaffiup isaariaatigut isertoqassaaq, iserniaraannilu kiinnamut assiaquteqarluni isertoqartassaaq. Eqqaamallugulu qanillinaveersaartoqassammat aammalu assaat spritimik salinneqartassammata.
Neriulluta atuartut angajoqqaavi paasinnilluarumaartut
Gammeqarfimmi sulisut sinnerlugit
Inussiarnersumik inuulluaqqusilluta
Ajaaja Rosing
Atuarfiup pisortaanera