Asasagut innuttaasut
Matumuuna nalunaarutigissavarput ullumikkut ulloq 29. juli 2021 aallarnerfigalugu makkua atuutsinneqalerput Kommune Qeqertaliup Aasianni suliffeqarfiutaanni makkunani kiffartuussinerit atuutsinneqalermata:
Sullissivik Aasiaat, Kommune Qeqertalik:
- Saaffiginninniaraanni oqarasuaat 70 19 00-mut sianernikkut saaffiginnittoqassaaq.
- Ornigulluni saaffiginninniaraanni oqarasuaat 70 19 00-mut inniminneeqqaarluni saaffiginnittoqassaaq imaluunniit mailikkut inniminniisoqarsinnaavoq uunga: qeqertalik@qeqertalik.gl
Ornigunniaraanni Sullissiviup isaariaatigut isertoqassaaq, iserniaraannilu kiinnamut assiaquteqarluni isertoqartassaaq. Eqqaamallugulu qanillinaveersaartoqassammat aammalu assaat spritimik salinneqartassammata.
Anartarfilerineq Aasiaat, Kommune Qeqertalik:
- Anartarfilerisut sulisut illumut iserlutik igitassanik aallertarunnaarput, taamaattumillu anartarfimmi igitassaq najugaqartut namminneq suliareriarlugu annittassavaat. Igittakkanik anartarfillit illup silataanut namminneq puussiaq ilisassavaat, kisiannili namminneq igitsissanngillat, tassalu utoqqaat pittorluttullu qinnuigissavavut Sullissivimmut saaffiginneqqullugit oqarasuaammut uunga 70 19 00-mut imaluunniit mailimut uunga qeqertalik@qeqertalik.gl. Taakkununnga saaffiginnittut kisimik sulisunit isumaqatigiissuteqaqqaarlutik allaffissuarmut iseqqusaapput aamma iserniarunik sulisunit aaneqartartussaapput.
Anartarfilerinermik suliaqartut ullut igitsiffissat malillugit igitsissapput. Taamatut aalajangerneq innuttaasunik sulisunillu Covid-19-mut illersuinissamik peqquteqarpoq aamma Covid-19-mik tuniluuttoqannginnissaanik pinaveersaartitsiniarluni taama aalajangertoqarpoq.
Aalajangiinerit taakkua ullumikkumiit ulloq 29. juli 2021 atuutilerput aamma allamik nalunaartoqarnissaata tungaanut atuutissallutik.
Allattoqarfik INUA. Kommune Qeqertalik.