Asasagut Kommune Qeqertalimmi innuttaasut.
Kommunip paasissutissinneqarnera malillugu Aasianni covid-19-imik tunillatsissimasut sisamat nutaat paasineqarput, taakkulu angerlarsimallutik maanna mattusimapput.
Sulinngiffeqarnerup nalaaniimmat, angalasut amerlammata innuttaasut kaammattussavagut tuniluunneq pinaveersaartinniarlugu maleruaqqusat maleqqullugit, aamma ataatsimoornerit pinaveersaaqqullugit:
- Qanermut assiaquteqarit. Inini kikkunnit tamanit iserfigineqarsinnaasuni aamma tamanut angallassissutinut ilaassagaanni qanermut kiinnamulluunniit assiaqutit atorneqassapput.
- Allat qanillinaveersaakkit aamma allat timikkut attornaveersaakkit.
- Eqqaamallugu eqqortumik assavit asannissai.
- Angerlarsimaannarit tunillatsissimanermik ersiuteqaruit.
Aqagu pingasunngorneq 28. Juli 2021 kommunimiit innuttaasunut sukumiisumik paasissutissiiumaarpugut.
Immissinnut paarilluarisi.
Corona pillugu paasissutissat uani takukkit:
www.nun.gl
Allattoqarfik INUA.
Kommune Qeqertalik.
