Aasianni Meeraaqqerivik Vâvà-mi ikiorti Larsine Nielsen ukiuni 40-ni naalagaaffimmi atorfilittut sulisimasoq Ataqqinartorsuup Droninng Margrethe-p nersornaasiuttagaanik Fortjenestmedaljen sølviusumik saqqarmiulerneqarluni nersornaaserneqarpoq.
Ataqqinartorsuup Dronning Margrethe-p aappaata nersornaasiuttagaanik Fortjenestmedalje-mik sølviusumik nersornaasiineq Aasianni.
4. juuni 2021
4. juni 2021
Larsine Nielsen.
Borgmester Ane Hansen nersornaammik saqqarmiuliisuuvoq, Larsine Nielsen uia Anthon Nielsen, meerai, ernutai, qatanngutaasut suleqataasullu Aasianni kommunip allaffissuani nersornaasiinermi najuupput.
Larsine Nielsen 20. december 1980 Meeraaqqerivik Vâvàmi ikiortitut sulilerpoq maanna suli suliffigisaminik.
Laila S. Samuelsen. Pisortaq Meeraaqqerivik Vaava.
”Larsine inuuvoq suliffimminut tunniusimalluartoq, qiimasoq, nuannaartoq, illarumatooq, suliffimmini suliani ilisimaarilluarpai, illulu tamaat suliffigisani ilisimaareqqissaarlugu. Ullaakkoortussaatilluni takkutiaarluni iseruminarsaasarpoq, iserluni kaffesunniaarsuaq, Larsine aalajaatsuugami suleqatigalunilu nuannersuulluni nersornaatisinerani ilaqutaalu suleqatigiiulluta pilluaqqungaarparput.” – Taama oqaaseqarpoq Meeraaqqerivik Vaavami pisortaq Laila S. Samuelsen.
Larsine Meeraaqqerivik Vaavami sulinermi maannamut kinguaariit pingasut sullissimavai.
Anthon & Larsine Nielsen.
”Nuanneq taamatut ilimasunngikkaluarama, toqqamaaviliisukka angajoqqaakka, sakikkukka tapersersuilluarsimasoq maanna qimangutereersut eqqaamaqaakka, sulininni meeqqiuleratta, meeqqagut napparsimatillugit paarsiuartarmata aamma sulininni tapersersuiuartarsimammata.
Ukiut 40-rut Vaavami sulinera peqqissimimanngilaq toqqissisimanarmat, ukiuni suliffinni ullut assoroornartut aqqusaartarsimavagut, nuannersulli amerlanerujuarput. Sulininni ukiut ingerlanerani meeqqerivik ineriartorsimaqaaq, pikkorissarnerpassuit ingerlattarsimavakka aamma inuttut ineriartorfigeqaara. Kinguaariit pingasut sullissimalerlugit nuanneqaaq.Atorfinni suleqatigiiusugut tapersersoqatigiilluartaratta, pisortattalu naligaluta suleqatigimmatigut qujassutissaqarnaqaaq, suleqatigisarsimasakka aamma ilai qimagussimasut tamaasa eqqaamangaarlugit qamuuna attortisimallunga, tuppallerlunga ilaquttakka, suleqatikka, borgmesteri Ane Hansen taamak annertugisumik saqqarmiuliisortaaq qujaffigingaarpakka.”- Taama oqaaseqarpoq Larsine Nielsen.
Larsine ilaqutaalu Kommune Qeqertalimmit pilluaqqungaarpagut.
Allattoqarfik INUA
Borgmesteri Ane Hansen & Larsine Nielsen.
Larsine qatanngutaalu.
Larsine uia Anthon qitornai ernutaalu.